Jaan-boojhakar Karj Naheen Chukaane Vaalon Ke Khilaaf Kada Rukh Apanaaen Bank Chidambaram

Breaking »

Jaan-boojhakar Karj Naheen Chukaane Vaalon Ke Khilaaf Kada Rukh Apanaaen Bank  Chidambaram

Nai Delhi: vittamantri pi Chidambaram ne saarvajanik bankon se kaha ki ve jaan-boojhakar karj naheen chukaane vaalon ke khilaaf kadi kaarravaai karein. Vittamantri ne kaha ki maalik maalaamaal, company behaal ki sthiti naheen chal sakti. Chidambaram ne yahaan saarvajanik kshetr bankon ke pramukhon ki baithak li. Unhonne kaha ki jaanboojhkar chookakartaaon ke khilaaf kadi kaarravaai karne ki jaroorat hai. vittamantri ne kaha ki maalik maalaamaal, company behaal ki sthiti sveekaarya naheen hai aur bank is tarah ke chookakartaaon ke khilaaf sanyukt kaarravaai ke liye samooh banaaen. Bainkaron ko sambodhit karte hue Chidambaram ne kaha ki unhein vasooli ke liye apne prayaason ko doguna karna hoga aur jaanboojhkar karj naheen chukaane vaalon ke khilaaf kade kadam uthaane honge. vitteeya seva sachiv GS sandhu ne baithak ke baad samvaadadaataaon se kaha ki bankon se apne 30 sheersh chookakartaaon par dhyaan keindrit karne ko kaha gaya. Saarvajanik bankon ki 30 sheersh gair nishpaadit aastiyaan (NPA) unke sakal NPA ke 40.2 pratishat ke baraabar hai.

Jaan-boojhakar Karj Naheen Chukaane Vaalon Ke Khilaaf Kada Rukh Apanaaen Bank Chidambaram https://www.angrejinews.com/pic/50528