Jaamiya Ne Mumbai University Ko Paanch Wicket Se Haraaya

Cricket »

Jaamiya Ne Mumbai University Ko Paanch Wicket Se Haraaya

Mumbai: Toyota university cricket championship mein Mumbai ka saamana jaamiya se huaa. Is match mein Mumbai ki star team ko haar jhelni padi. Jaamiya ne unhein paanch wicket se hara diya. Mumbai university ke jayadeep paradesi ne toyota university cricket championship ka pehla chauka lagaaya. Jaamiya university ke abhaya negi ne chauthe over mein Mumbai ko bada jhatka diya. Is over mein Mumbai ke do wicket gir gaye. Iske baad Mumbai ke kaptaan siddesh laad ne 22 ranon ka yogadaan diya. Yahaan se pankaj jaayasavaal ne Mumbai ki paari sambhaali. Baaen haath ke is yuva ne maidaan ke chaaron taraf jordaar shots lagaae. Pankaj jaayasavaal aur shashaank Singh ne chauthe wicket liye 62 run jode. Iske baad Mumbai ke wicket jaldi jaldi gire lekin pankaj jaayasavaal 20vein over tak tike rahe. 43 geindon par pankaj ne 10 chaukon aur do chhakkon ki madad se not-out 75 banaae. Iske chalte Mumbai university 20 over mein 172 run bana saki. 172 ranon ka peechha karne utari jaamiya university ki shuruaat dheemi rahi. Amit varma aur Shivendra paal ne pehle chaar overon mein mahaj 19 run jode. Iske baad donon ballebaazon ne khulkar haath dikhaae. Nauvein over mein jab Shivendra paal out hue tab tak jaamiya ne 64 run bana liye the. Iske baad amit varma aur team ke kaptaan praveen Singh Yadav ne doosare wicket ke liye 88 run jod diye. Amit varma ne 43 geindon par chhah chauke aur do chhakkon ki madad se 63 run banaae. Lekin jaamiya ko is match mein jeet tak pahunchaane ka kaarnaama team ke kaptaan praveen Yadav ke naam hi raha. Unhonne pehle to 23 geindon par apni hauf century poori ki aur iske baad jaamiya ke liye jeet behad mushkil naheen rahi.

Jaamiya Ne Mumbai University Ko Paanch Wicket Se Haraaya https://www.angrejinews.com/pic/2667