Jaalaan Samiti Reserve Bank Ke Aarakshit Poonji Star Par June Ke Ant Tak De Sakti Hai Report

Business »

Jaalaan Samiti Reserve Bank Ke Aarakshit Poonji Star Par June Ke Ant Tak De Sakti Hai Report

Nai Delhi Bhaarateeya reserve bank (RBI) ki aarakshit poonji ki sameeksha ke liye banaai gayi biml jaalaan samiti is maah ke ant tak apni report de sakti hai. Ek adhikaari ne bataaya ki report ko antim roop dene se pehle samiti ko ek baithak aur karni hai. Sarkaar ne reserve bank ke poorv Governor jaalaan ki adhyakshata mein 26 December, 2018 ko chhah sadasyeeya samiti ka gathan kiya tha. Vitt mantraalaya ne reserve bank se sarvashreshth vaishvik neetiyon ka paalan karte hue adhik adhishesh sarkaar ko hastaantarit karne ke liye kaha tha. Baad mein sarkaar ne reserve bank ke aarthik poonji dhaanche (iseeef) ki sameeksha ke liye is samiti ka gathan kar diya. Reserve bank ke paas 9.6 lakh karod rupaye se bhi adhik ka poonji adhishesh hai. Ek adhikaari ne baithak ke baad yahaan patrakaaron se kaha, 'Jaalaan samiti ek aur baithak karegi aur iske baad apni report is maah ke ant tak saunp degi. ' haalaanki, samiti ko apni report teen maah mein saunpani thi. Deri ki vajah poochhane par adhikaari ne kaha ki samiti ke sadasyon ke beech rai mein matabhed tha, lekin is par baatcheet kar li gayi hai. Samiti mein reserve bank ke poorv deputy Governor Rakesh mohan, vitt sachiv subhaash chandra garg, reserve bank ke deputy Governor N. S. Vishvanaathan aur reserve bank ke keindreeya nideshak mandal ke do sadasya Bhaarat doshi aur sudheer manakad shaamil hain.

Jaalaan Samiti Reserve Bank Ke Aarakshit Poonji Star Par June Ke Ant Tak De Sakti Hai Report https://www.angrejinews.com/pic/280768