JPC Report Par Congress Ka Vipaksh Par Palatavaar

Breaking »

JPC Report Par Congress Ka Vipaksh Par Palatavaar

vishesh samvaadadaata. Nai Delhi JPC report ko lekar vipaksh ke hamle par shukravaar ko jahaan sarkaar ne vipaksh ko is par thoda intajaar karne ki salaah di, vaheen Congress ne BJP par palatavaar kiya hai. Congress pravakta Rashid alvi ne JPC ko lekar BJP ke ravaiya ki kadi aalochna karte hue kaha pehle usane JPC ki maang ko lekar sansad ka ek satr barbaad kiya, ab vah usaki report ko lekar ek aur satr ko hangaame ki bheint chadhaane ki taiyaari kar rahi hai. Alvi ka kehna tha ki jis vakt BJP JPC ki maang kar rahi thi, usi vakt humne kaha tha ki vah vakt aane par usaki report ka virodh bhi karegi. Aur aaj vahi ho raha hai. Agar aapko JPC ki report ka virodh hi karna tha, to aapne iske banaane ke liye itna hangaama kyon kiya? Alvi ne aarop lagaaya ki aisa karke ek baar fir BJP ka dohara chehara saamane aaya hai. Congress ne JPC report ke media mein leek hone par BJP ki naaraajagi ko khaarij karte hue ulta is report ko leek karne ka theekara bhi usi ke sir foda. Alvi ka kehna tha ki JPC mein BJP ke sadasya bhi hain. Unka kehna tha ki JPC ne poori imaandaari se apna kaam kiya hai. Usaki report saamane aane deejiye, apne aap druoodh ka doodh aur paani ka paani saamane aa jaaega. Sarkaar ne thoda intajaar ko kaha doosari or, sarkaar ne JPC ki draft report par BJP sahit vipaksh va media se thoda intajaar karne ki baat kahi. Sarkaar ne unhein report ko lekar kisi tarah ki atkalein lagaane se parahej karne ki baat bhi kahi. Doorasanchaar mantri Kapil sibbal ka kehna tha ki report ko abhi antim roop naheen diya gaya hai, isliye media aur vipaksh ko atkalein lagaane se parahej karna chaahiye.

JPC Report Par Congress Ka Vipaksh Par Palatavaar https://www.angrejinews.com/pic/6170