JPC Par Chhida Ghamaasaan, BJP, DMK Ka Visheshaadhikaar Hanan Notice

Breaking »

JPC Par Chhida Ghamaasaan, BJP, DMK Ka Visheshaadhikaar Hanan Notice

Vishesh samvaadadaata. . Nai Delhi 2ji spectrum ki jaanch karne ke liye bani jauint paarliyaameintari committee ki draft report leek hone ke maamale mein ab BJP aur DMK ne visheshaadhikaar hanan ka notice diya hai. Choonki is committee mein donon sadanon ke sadasya shaamil hain, isliye yah notice donon hi sadanon mein diya gaya hai. Is beech 2ji maamale mein aaparaadhik mukadama jhel rahe DMK ke neta A. Raaja ne ek baar fir JPC ke saamane apna paksh rakhane ki maang karte hue kaha ki ve is baare mein apna ditel not committee ko bhejeinge. Udhar, DMK ne JPC ke adhyaksh pad se pi. Si. Chaako ko hataane ki maang ki hai. 2ji maamale ki draft report leek hone ke baad se hi chaako vipakshi netaaon ke nishaane par hain. BJP ki naaraajagi is report ke leek hone ke alaava report mein atal bihaari Vajpayee ka naam ghaseetane ko lekar bhi hai. BJP ka kehna hai ki is report ke leek hone ke liye chaako seedhe jimmedaar hain. Sootron ke mutaabik niymaanusaar is report ka draft kaayade se JPC ki baithak mein hi aana chaahiye aur usaki manjoori milne ke baad ise sansad mein pesh kiya jaana chaahiye. Lekin isse pehle hi ise leek karke saansadon ke visheshaadhikaar ka ullanghan kiya gaya hai. BJP sootron ka kehna hai ki 18 April ko JPC sadasyon ko SMS mila ki unhein report bheji gayi hai lekin agale din tak report ka intajaar karna pada. Vajpayee ka naam naheen liya: Chaako report leek hone ke baad BJP aur anya vipakshi dalon ke nishaane par aae JPC Chairman pi. Si. Chaako ne safaai dete hue kaha hai ki mainne is maamale ki draft report mein poorv pradhaanamantri atal bihaari Vajpayee ka kaheen naam naheen liya. Unhonne report leek hone ki jaanch ki himaayat ki. Unhonne kaha ki iske leek hone se mujhe bhi pareshaani ho rahi hai. Sansad bhavan parisar mein unhonne patrakaaron se kaha ki report mein na sirf Vajpayee balki kisi anya mantri ka bhi naam naheen liya gaya. Yah jaroor ho sakta hai ki kaaryakaal ke mutaabik kisi ne kelakulet kiya ho ki kis kaaryakaal mein kaun pradhaanamantri ya mantri tha.

JPC Par Chhida Ghamaasaan, BJP, DMK Ka Visheshaadhikaar Hanan Notice https://www.angrejinews.com/pic/6425