J&K Gruhakshetr Mein Hi Mahbooba Ke Kaafile Ko Pattharabaajon Ne Banaaya Nishaana, Baal-baal Bacheen

Breaking »

J&K Gruhakshetr Mein Hi Mahbooba Ke Kaafile Ko Pattharabaajon Ne Banaaya Nishaana, Baal-baal Bacheen

Anantanaag Jammu-Kashmir ki poorv CM mahbooba mufti ke kaafile par somvaar ko unke gruh kshetr mein patharaav kiya gaya. Anantanaag ke bijbehada ilaake mein mahbooba ke kaafile par pattharabaaji ki gayi. Is patharaav mein mahbooba mufti ko to koi nuksaan naheen hua, lekin unke kaafile ka ek vaahan kshatigrast ho gaya. Ghatna ke baad police ne ilaake ki gheraabandi kar patharaav karne vaale logon ki talaash shuroo ki. Jaankaari ke anusaar, mahbooba mufti somvaar ko kuchh kaaryakramon mein hissa lene ke liye anantanaag ke bijbehada ja rahi theen. Somvaar subah vah anantanaag sthit kareem shraain par maatha tekane pahunchi theen aur iske baad vah bijbehada mein aayojit kaaryakarta sammelan mein jaane ke liye kaafile ke saath ravaana huin. Isi beech sirhama ke paas mahbooba mufti ke kaafile par kuchh logon ne patharaav kiya aur fir mauke se faraar ho gaye. Patharaav mein baal-baal bacheen mahbooba mufti Is patharaav mein mahbooba mufti baal-baal bach gain, jabki kaafile mein shaamil ek vaahan kshatigrast ho gaya. Aadhikaarik sootron ke anusaar jo vaahan patharaav ki chapet mein aaya tha vah mahbooba ke kaafile ko eskaurt kar raha tha. Ghatna ke baad mahbooba ke surakshaakarmiyon ne kisi tarah kaafile ko surakshit ilaake se baahar nikaala, jiske baad javaanon ne patharaav karne vaale logon ko pakadne ke liye yahaan talaashi abhiyaan chalaaya. Mahbooba mufti ka gruhakshetr hai bijbehada Bata dein ki anantanaag ka bijbehada ilaaka mahbooba ka gruh kshetr hai aur mahbooba mufti is baar anantanaag ki seat se hi Loksabha chunaav mein ummeedavaar bhi hain. Mahbooba mufti poorv mein Jammu-Kashmir ki mukhyamantri bhi rahi hain. Anantanaag ki seat ko Kashmir ki atisanvedanasheel Loksabha seat ke roop mein jaana jaata hai aur chunaav aayog ne yahaan par is baar suraksha ke lihaaj se 3 charanon mein voting karaane ka faisala kiya hai, jiski shuruaat 23 April se hogi.

J&K Gruhakshetr Mein Hi Mahbooba Ke Kaafile Ko Pattharabaajon Ne Banaaya Nishaana, Baal-baal Bacheen https://www.angrejinews.com/pic/268104