J Ke Lakshmi Cement Ke Plant Mein Aagajani

India »

J Ke Lakshmi Cement Ke Plant Mein Aagajani

PTI . Raipur : Chhattisgarh ke durg jile mein saikadon gaanvavaalon ne J. Ke. Lakshmi cement ke ek nirmaanaadheen plant ke ek hisse mein aag laga di. Police ne shukravaar ko bataaya ki gaanvavaale company dvaara plant ki vajah se prabhaavit logon ko naukri naheen diye jaane ke kaaran naaraaj the. Vaakaye mein kuchh policekarmiyon aur aam logon ko maamooli chotein I hain. Aagajani ki ghatna mein 25 karod rupaye ki prauparti ko nuksaan pahunchaane ki khabarein hain. Aagajani ko anjaam dene mein shaamil 40 pradarshanakaariyon ko arest kar liya gaya hai. Ek police adhikaari ne bataaya ki ghatna ki jaankaari milte hi atirikt police dal ko ghatnaasthal ke liye ravaana kiya gaya tha. Police jab vahaan pahunchi tab aakroshit graameenon ne police par bhi hamla kar diya aur ek police jeep ko bhi aag ke havaale kar diya. Sootron ke mutaabik baad mein police ko apne bachaav mein havaai firing karni padi.

J Ke Lakshmi Cement Ke Plant Mein Aagajani https://www.angrejinews.com/pic/4632