J End Ke Bank Ka Timaahi Munaafa Saat Guna Badhkar 215 Karod Rupaye

Business »

J End Ke Bank Ka Timaahi Munaafa Saat Guna Badhkar 215 Karod Rupaye

Nayi Delhi, 15 May (bhaasha) Jammu-Kashmir bank ne March 2019 ko samaapt vitt varsh ki chauthi timaahi mein 214.80 karod rupaye ka apna shuddh munaafa dikhaaya hai jo ek saal pehle se saat guna se bhi jyaada hai. Bank ko varsh 2017-18 ki January-March avadhi mein 28.41 karod rupaye ka shuddh munaafa hua tha. Bank ne Budhvaar ko share baajaaron ko bataaya ki March timaahi mein bank ki kul aay badhkar 2,473.47 karod ho gayi, jo 2017-18 ki samaan avadhi mein 1,763.95 karod rupaye thi. Poore vitt varsh 2018-19 ka bank ka shuddh munaafa dogune se jyaada badhkar 464.89 karod rupaye ho gaya. Isse pichhle varsh shuddh munaafa 202.72 karod rupaye tha. Bank ki kul aay vittavarsh 2017-18 ke 7,116.71 karod rupaye ki tulana mein 8,444.19 karod rupaye rahi. bank ki sakal gair-nishpaadit aastiyaan (NPA) March 2019 ke ant mein ek saal pehle ke 9.96 pratishat se ghatkar 8.97 pratishat rah gayi. Shuddh NPA ka star ek saal pehle ke 4.90 pratishat ki tulana mein 4.89 pratishat rah gaya.

J End Ke Bank Ka Timaahi Munaafa Saat Guna Badhkar 215 Karod Rupaye https://www.angrejinews.com/pic/274814