Iyoo Se Mukt Vyaapaar Ke Khilaaf Utari BJP

India »

Iyoo Se Mukt Vyaapaar Ke Khilaaf Utari BJP

vishesh samvaadadaata . Nai Delhi Europeeya sangh aur Bhaarat ke beech hone vaale mukt vyaapaar samjhaute ke khilaaf BJP ne morcha khol diya hai. Party ne kaha hai ki sansad ko vishvaas mein liye bina is tarah ka samjhauta na sirf sansad ki avamaanana hai balki sangheeya dhaanche par bhi prahaar hai. BJP ka yah bhi kehna hai ki is kadam se bhaarateeya arthavyavastha aur kamjor hogi. Agar party satta mein aati hai to vah sunishchit karegi ki aise samjhaute karne se pehle sansad ki anumati ko anivaarya kiya jaae. Bina bataae uthaaya kadam : BJP neta murali manohar Joshi ne kaha ki is maamale mein pradhaanamantri ne na kisaanon se baat ki, na vyaapaariyon se aur na hi raajaneetik dalon se. Unki yah kavaayad kaaryapaalika ke adhikaaron ka naajaayaj faayda uthaane ki tarah hai. Joshi ne kaha ki samjhauta vahi hona chaahiye, jisse Bhaarat ko bhi faayda ho. Lekin sarkaar ne is maamale mein koi ehatiyaat barati hai ya naheen, iska bhi pata naheen hai, kyonki is maamale mein sarkaar ne abhi tak janta ko kuchh bataaya hi naheen hai. Unhonne kaha ki PM bhale hi yah kah rahe hon ki vah sudhaaravaadi kadam uthaakar desh ki arthavyavastha patari par laane ki koshish kar rahe hain. Lekin is tarah ki koshishon se desh ko faayda naheen, nuksaan hoga. Mukt vyaapaar ki sandhi baraabar ki honi chaahiye. Kaise hogi baraabari : Joshi ne kaha ki Europeeya sangh ke deshon mein krushi ko bade paimaane par sarkaar subsidy deti hai. Aise mein vahaan aur Bhaarat ki baraabari kaise hogi. Isse to ulata bhaarateeya krushi kshetr buri tarah prabhaavit hoga. Unhonne kaha ki sarkaar ko bataana chaahiye ki vah kin sharton ke saath samjhauta kar rahi hai aur aakhir is samjhaute ke liye usaki majaboori kya hai. Unhonne aashanka jataai ki is samjhaute mein trade ke saath nivesh ko joda jaaega. Agar aisa hota hai to yah shart kaafi khatarnaak saabit hogi kyonki jiska nivesh jyaada hoga, use hi jyaada faayda hoga. Naheen ho samjhauta : Joshi ne kaha ki BJP ki maang hai ki yah samjhauta naheen hona chaahiye. Pehle sarkaar ko bataana chaahiye ki is tarah ke samjhaute ko lekar usane kya koi aakalan kiya hai, jisse pata chale ki iska Bhaarat par kya asar hoga. Yahi naheen, is maamale mein raajyon ke hit bhi jude hue hain.

Iyoo Se Mukt Vyaapaar Ke Khilaaf Utari BJP https://www.angrejinews.com/pic/5172