Iyoo Netaaon Ne Brekjit Ke Liye Aur Samay Dene Sambandhi Do Vikalp Kiye Pesh

Business »

Iyoo Netaaon Ne Brekjit Ke Liye Aur Samay Dene Sambandhi Do Vikalp Kiye Pesh

Brasels, 22 March (eefapi) brekjit ke liye thoda aur samay diye jaane ko lekar Europeeya netaaon aur Britain ki pradhaanamantri teresa me ke beech bruhaspativaar ko sahamati ban gayi. Britain ko Europeeya sangh se 29 March ko alag hona tha, lekin iyoo netaaon ne kaha ki yadi Britain ke saansad brekjit sambandhi samjhaute ko agale saptaah manjoori de dete hain to brekjit ke liye 22 May tak intajaar kiya ja sakta hai. yadi house of kaumans pehle do baar ki tarah is baar bhi samjhaute ko khaarij kar deta hai aur Britain is saal Europeeya sangh chunaav mein bhaag lene ka faisala naheen karta hai to brekjit 12 April ko hoga. iyoo parishad ke adhyaksh donaald task ne kaha, ''Europeeya sansad chunaav karaane ya naheen karaane ke Britain dvaara nirnaya lene ke sandarbh mein 12 April aham taareekh hai. '' 23 se 26 May tak hone vaale chunaav mein bhaag lene ke liye kaanoon banaane ki khaatir Britain ko samay chaahiye hoga aur me ka kehna hai ki Britain desh ki 46 varsh puraani sadasyata samaapt karne sambandhi matadaataaon ke faisale ''Ke sammaan'' mein iski koshish naheen karega. me ne samjhaute ki pushti karte hue kaha, ''Mera maanana hai ki Europeeya sangh chhodne ke liye matadaan ke baad Britain ke logon se in chunaavon mein bhaag lene ke liye poochhana galat hoga. '' task ne kaha ki yadi matadaan naheen karaaya jaata hai to aage ''Aur samay dena svat: Hi asambhav ho jaaega. '' iyoo adhikaari ne kaha ki March 29 ki samayaseema samaapt ho gayi hai aur aaj raat se 12 April nayi samayaseema hogi. laksamabarg ke pradhaanamantri Xavier betel ne kaha, ''12 April ko hamein yeh pata karna hoga ki sthiti kya hai. . . . Yadi hamein tab bhi koi javaab naheen milta to bina kisi samjhaute ke hi Britain Europeeya sangh se baahar ho jaaega. '' France ke raashtrapati emainuel maikron ne kaha, ''Ab jimmedaari Britain ki hai aur mujhe lagta hai ki yeh aaj ki badi upalabdhi hai. eefapi simmi golaagola.

Iyoo Netaaon Ne Brekjit Ke Liye Aur Samay Dene Sambandhi Do Vikalp Kiye Pesh https://www.angrejinews.com/pic/262690