Iteliyn Open Serena, Irani Ke Beech Hoga Final Mukaabala

Breaking »

Iteliyn Open  Serena, Irani Ke Beech Hoga Final Mukaabala

File photo File photo Rom: sarvochch vishv vareeyata praapt ameriki tennis star serena Williams sthaaneeya ummeed saara Irani ke khilaaf iteliyn open ke final mukaabale mein utareingi. serena ne semifinal mukaabale mein 11veen vareeya Anna ivaanovik ko 6-1, 3-6, 6-1 se maat dekar khitaabi mukaabale mein pravesh kiya. samaachaar agency sinhuaa ke anusaar, shanivaar ko hue mukaabale mein ivaanovik ne doosare set mein lagaataar chaar game jeetkar doosra set apne naam kar liya aur match mein baraabari kar li. serena ne iske baad aakhiri evam nirnaayak set mein jabaradast vaapasi karte hue match jeet liya. ameriki tennis star serena ne match ke baad ivaanovik ke pradarshan ki saraahana ki. Unhonne kaha, "Doosare set mein unhonne behatareen pradarshan kiya. Unki return karne ki kshamata gajab ki hai, jisse vah mujh par dabaav banaane mein kaamayaab raheen. " serena ne aage kaha, "Iski vajah se mera dhyaan thoda bhang hua, lekin teesare set mein maine apna dhyaan keindrit rakhane ki koshish ki aur apna sarvashreshth pradarshan karne ki koshish ki. " final mein serena ka saamana karne waali Irani ne doosare semifinal mukaabale mein chhathi vareeya yelena yaankovich ko seedhe seton mein 6-3, 7-5 se maat diya. Irani pichhle 29 varsho mein iteliyn open ke final mein pravesh karne waali Italy ki pehli mahila khilaadi hain.

Iteliyn Open Serena, Irani Ke Beech Hoga Final Mukaabala https://www.angrejinews.com/pic/50898