Italy Ke Raajadoot Par Lagi Rok Supreme Court Ne Hataai

Breaking » Tuesday, April 2, 2013

Nai Delhi. . Uchchatam nyaayaalaya ne itaalavi raajadoot ke Bhaarat chhodne par lagi rok hata di hai. Yah rok court ne tab lagaai thi jab hatya ke aaropi do mareens Italy gaye lekin laute naheen the. Supreme court ne Italy ke hatya ke aaropi do mareens ke Bhaarat vaapas aane ke baad ko Italy ke raajadoot par Bhaarat chhodane ko lekar lagaai gayi rok hata li hai. Isi ke saath court ne kaha hai ki itaalavi mareenon ke khilaaf maamale ki sunavaai ke liye kendra jald hi ek vishesh adaalat gathit kare. Kareeb 15 din pehle hi ye mareens Bhaarat laute the. Court ne attorney general ko is sambandh mein special court banaane ke sambandh javaab saunpane ke liye 16 April tak ka samay diya hai. Maamale ki agali sunavaai 16 April ko hi hogi. Maamale ka baikagraaundar bata dein ki Italy ke mareens ko vaapas Bhaarat na bhejane ke baad court ne kada rukh akhtiyaar kiya tha. Iske tahat vahaan ke Bhaarat mein maujood raajadoot ke Bhaarat chhodakar jaane par bhi rok laga di thi. Baad mein Italy ki sarkaar donon aaropiyon ko Bhaarat bhejane ko raaji ho gayi thi. Is poore maamale par donon deshon ke beech khaasi tanaav ki sthiti ho gayi thi.