Italy Ke Marine Case Mein Maut Ki Saja Ka Savaal Hi Naheen Bhaarat

Breaking » Sunday, April 28, 2013

nai Delhi. . Bhaarateeya machhuaaron ki hatya ke aaropi Italy ke do mareenon maasimiliyaano laatore aur salvaatore girone ko maut ki saja sunaane ki Italy dvaara sambhaavana jataane ke baad shanivaar ko Bhaarat ne kaha ki mrutyudand ka savaal hi paida naheen hota. Maamale mein haal mein Supreme court ke aadesh ko spasht karte hue aadhikaarik sootron ne kaha ki bhraamak report ke maddenajar yah aadesh diya gaya tha. Supreme court ne NIA ko Italy ke marine ke khilaaf jaanch ki anumati di thi. Aadhikaarik sootron ne kaha, 'Kisi bhi sthiti mein maamale ki paristhitiyon ko dekhte hue mrutyudand ka savaal hi naheen uthata. ' videsh mantri Salman khursheed ne is maamale mein gruh mantri susheel Kumar shinde evam attorney general sahit anya varishth adhikaariyon se salaah-mashavira kiya hai. Supreme court ne Italy ke do mareenon ke khilaaf maamale mein NIA ko jaanch ki anumati di aur saath hi special court se kaha ki chargesheet daayar hone ke baad vah maamale ki rojaana sunavaai kare.