Itailiyn Nausainik Ki Maan Boleen, 'Insaaf Ho Chuka Hai, Ab Sabkuchh Theek

World » Tuesday, March 26, 2013

Rom. . Italy ke nausainikon dvaara Kerala ke machhuaaron ki hatya ke maamale mein nyaaya ho chuka hai? Aaropi nausainikon mein se ek ki maan ne ek news channel se kaha ki is maamale mein nyaaya ho chuka hai aur ab sabkuchh theek hai. Itailiyn nausainik laator maiseemiliyaano ki maan ne ek news channel ko diye interview mein kaha hai ki ab sabkuchh theek hai. Unhonne kaha ki unka beta ek sainik hai aur vah Bhaarat ka dost hai. Vah khush hain ki donon apne kaam par laut aae hain. Is maamale mein nyaaya ho chuka hai. Gaurtalab hai ki Italy ke nausainikon laator maiseemiliyaano aur salvaator giron ne February 2012 mein Kerala tat se lage arab saagar mein bhaarateeya machhuaaron ki nauka par goleebaari ki thi, jismein do machhuaaron ki maut ho gayi thi. Italy ke in donon nausainikon par isi maamale mein Supreme court mein hatya ka mukadama chal raha hai. Bhaarat aur Italy ke beech rishton mein us vakt khataas aa gayi, jab donon nausainikon ko Bhaarat se le jaane ke baad Italy ne unhein lautaane se inkaar kar diya. Donon nausainikon ko Supreme court ne 22 February ko chaar hafte ke liye svadesh jaane ki ijaajat di thi. Nausainikon ne Italy mein chunaav mein vote daalne ke liye vahaan jaane dene ka aagrah kiya tha aur Italy ke raajadoot ne unke Bhaarat lautane ki niji guaranty li thi. Bhaarat sarkaar ne Italy ke saath apne raajanayik sambandhon mein katauti karte hue rom ke liye naamit apne raajadoot basant Kumar gupta ko apna padabhaar sambhaalne ke liye rom naheen jaane ko kaha. Vaheen, Italy ka kehna hai ki donon mareens ne paayarets samajhakar bhaarateeya machhuaaron par goliyaan chalaai theen. Yah ghatna antararaashtreeya samudri ilaake mein hui thi, jiski sunavaai intaranaishanal court mein honi chaahiye. Lekin Bhaarat ki daleel hai ki yah ghatna Kerala ke paas Bhaarat ke samudri ilaake mein hui, aise mein donon nausainikon par Bhaarat mein bhaarateeya kaanoon ke tahat mukadama chalaaya ja raha hai. Ghatna krama15 February, 2012: Itailiyn jahaaj par tainaat do nausainikon ne do bhaarateeyon ko samudri daakoo samajhakar maar diya. 19 February 2012: Donon mareens hatya ke aarop giraftaar , baad mein Kerala ki court mein mukadama shuroo. 20 December, 2012: Kerala haai court ne donon ko christmas par svadesh jaane ki chhoot di, donon vaapas aa gaye. 22 February, 2013: Supreme court ne vote daalne ke liye Italy jaane ki ijaajat di, ab aane se inkaar