Itaalavi Mareenon Ko Vote Daalne Ke Liye Svadesh Jaane Ki Anumati Mili

Breaking »

Itaalavi Mareenon Ko Vote Daalne Ke Liye Svadesh Jaane Ki Anumati Mili

Nai Delhi: Uchchatam nyaayaalaya ne Kerala tat par do bhaarateeya machhuaaron ki goli maarkar hatya karne ke aaropi do itaalavi mareenon ko Italy mein aam chunaav mein vote daalne ke liye svadesh jaane ki anumati day di. Pradhaan nyaayaadheesh altamas kabeer ke netrutv waali peeth ne kaha ki aaropi marine- maisimiliaano laator aur salvaator giron 24 aur 25 February ko ho rahe chunaav mein matadaan karne ke liye Bhaarat mein Italy ke raajadoot ke nigraani aur hiraasat ke tahat svadesh jaaenge. Peeth mein nyaayamoorti AR dave aur nyaayamoorti Vikramjeet sen bhi shaamil the. Peeth ne donon mareenon aur Italy sarkaar ke is aavedan ke sveekaar kar liya ki unhein chaar hafte ke liye Italy jaane ki anumati pradaan ki jaae. Nyaayaalaya ne kaha, ham nivedan sveekaar karne ko taiyaar hain. Peeth ne itaalavi raajadoot se Italy ganaraajya ki or se ek atirikt halafnaama daayar karne ko kaha. Aavedan sveekaar karte hue peeth ne ullekh kiya ki itaalavi kaanoon ke tahat marine daak ke jariye apna vote naheen daal sakte. Peeth ne kaha ki mareenon ko keval Italy jaane aur keval vaheen rahane ki anumati hai tatha unhein Bhaarat lautana hoga. Sunavaai ke dauraan nyaayaalaya ko bataaya gaya ki Kerala ke kollam sthit nichli adaalat ne sheersh nyaayaalaya ke nirdesh ke anuroop donon mareenon ke passport gruh mantraalaya ko naheen saunpe hain. Peeth ko bataaya gaya ki 16 February ko passport mel kiye gaye the aur ye abhi gruh mantraalaya ko naheen mile hain. Tathya par vichaar karte hue peeth ne anumati di ki yadi passport naheen milte hain, to marine asthaayi dastaavejon par yaatra kar sakte hain aur gruh mantraalaya indira Gandhi antararaashtreeya havaai adde par adhikaariyon tatha keindreeya audyogik surakshaabal (seeaaiesaef) ko is aadesh ke baare mein soochit karega. Pichhle saal 15 February ko in itaalavi mareenon ne do bhaarateeya machhuaaron ki goli maarkar hatya kar di thi. Marine itaalavi jahaaj 'Enarika leksi' par savaar the. Sheersh adaalat ne yah bhi kaha ki 18 January ke iske aadesh ke anuroop mareenon ko Bhaarat chhodne se pehle tatha vaapas Bhaarat pahunchane ke baad chaanakyapuri police thaane mein report karni hogi. Uchchatam nyaayaalaya ne 18 January ko Italy sarkaar ke is aagrah ko khaarij kar diya tha ki maamala bhaarateeya adaalaton ke adhikaar kshetr mein naheen aata. Isne faisala diya tha ki kendra ko in mareenon par mukadama chalaane ke liye vishesh adaalat ka gathan karna chaahiye. Isne nirdesh diya tha ki donon mareenon ko Delhi sthaanaantarit kar diya jaae aur jab tak vishesh adaalat ka gathan naheen hota, tab tak ve iski hiraasat mein raheinge. Nyaayaalaya ne kaha tha ki donon videshi mareenon par mukadama chalaana Kerala sarkaar ke adhikaar kshetr mein naheen aata aur yah pradhaan nyaayaadheesh se salaah ke baad sthaapit hone waali vishesh adaalat mein kendra dvaara chalaaya jaaega.

Itaalavi Mareenon Ko Vote Daalne Ke Liye Svadesh Jaane Ki Anumati Mili https://www.angrejinews.com/pic/2564