Isteefa Vaapas Naheen Leinge Neeteesh Kumar, Agale Neta Ke Naam Ka Kal Kareinge Ailaan

Breaking »

Isteefa Vaapas Naheen Leinge Neeteesh Kumar, Agale Neta Ke Naam Ka Kal Kareinge Ailaan

Patna: Bihar mein siyaasi uthaapatak ke beech ab saaf ho gaya hai ki neeteesh Kumar isteefa vaapas naheen leinge. JDU vidhaayak dal ki baithak khatm ho gayi hai. Iske baad yeh saaf ho gaya hai ki jyaadaatar vidhaayak neeteesh ke saath hain, lekin vah dobaara mukhyamantri naheen baneinge. baithak khatm hone ke baad vashishth Narayan Singh ne kaha ki raajaneeti mein kathin faisale lene padte hain. vashishth ne yeh bhi saaf kiya ki neeteesh ko naya neta chunane ka adhikaar hai, jiske naam ka ailaan vah mangalvaar ko kareinge. Unhonne kaha ki mukhyamantri ne isteefa diya hai, lekin hamaare paas bahumat hai, jise lekar sarkaar banaai jaaegi. JDU neta vashishth Narayan Singh ne kaha ki unki party ne raajyapaal se milne ka samay bhi maanga hai aur yeh bhi kaha ki agala chunaav fir se neeteesh ke netrutv mein hi lada jaaega aur vah sarkaar ka maargadarshan karte raheinge, haalaanki jab vashishth se laaloo Yadav se gathabandhan par savaal poochha gaya to unhonne kaha ki laaloo se ab tak koi baat naheen hui hai. gaurtalab hai ki Loksabha chunaavon mein JDU ke kharaab pradarshan aur naitik aadhaar par neeteesh Kumar ke mukhyamantri pad se isteefe ke baad Bihar ki siyaasat mein uthaapatak tej ho gayi hai. vidhaayak dal ki baithak se poorv sharad Yadav ne kaha tha ki neeteesh Kumar apne isteefe par kaayam raheinge aur chunaav tak pad se door raheinge. Sharad Yadav ne kaha tha ki adhiktar vidhaayak unke faisale se sahamat hain. Isse poorv sharad ne kaha tha ki neeteesh ka pad se isteefa dena antim nirnaya hai. Yeh nirnaya (neeteesh Kumar ka isteefa) desh, party aur neeteeshaji ke hit mein hai. Yeh kathin nirnaya hai lekin antim aur sahi hai. Jadayoo vidhaayak dal ki baithak se poorv sharad Yadav ne yeh baat kahi. isse pehle ravivaar ko neeteesh Kumar ne apna isteefa vaapas lene aur pad par bane rahane ke party vidhaayakon ke aagrah par nirnaya ke liye aaj tak ka samay maanga tha. To ab savaal yeh hai ki Bihar ki kamaan aakhir kiske haathon mein hogi.

Isteefa Vaapas Naheen Leinge Neeteesh Kumar, Agale Neta Ke Naam Ka Kal Kareinge Ailaan https://www.angrejinews.com/pic/51018