'Isteefa Dein Bansal, Naheen To PM Karein Barkhaast

India »

'Isteefa Dein Bansal, Naheen To PM Karein Barkhaast

pramukh samvaadadaata. Chandigarh : BJP ke raashtreeya pravakta prakaash jaavadekar ne rel mantri pavan Kumar bansal se isteefa maanga hai. Unhonne kaha ki agar bansal aisa naheen karte hain to unhein turant mantri pad se barkhaast kar diya jaana chaahiye. Jaavadekar ne shanivaar ko yahaan press conference ko sambodhit karte hue yah vichaar vyakt kiye. Jaavadekar ne kaha ki rel promotion ghotaale mein rel mantri pavan Kumar bansal poori tarah benakaab ho gaye hain. Is ghotaale ke ujaagar hone ke baad unhein rel mantri bane rahane ka koi adhikaar naheen hai. Unhein turant isteefa day dena chaahiye. Agar ve isteefa naheen dete hain to pradhaanamantri ko unhein barkhaast karne mein der naheen karni chaahiye. Unhonne kaha ki 3 senior afsaron ki varishthata ko darakinaar kar mahesh sharma ko 1 May ko railway board (staaf) ke pad par promotion diya gaya. 13 lakh karmachaariyon aur 9 lakh peinshan bhogiyon se jude masale is pad ke adhikaar kshetr mein aate hain. Karmachaariyon ke tabaadale, promotion aur niyuktiyon mein unki bhoomika aham hoti hai. Unhonne kaha ki is maamale mein baraamad gaye 90 lakh rupaye is rishvat ka hissa bhar maatr hai. Rel bhavan mein poora sauda 5 karod rupaye ka hone ki charcha hai.

'Isteefa Dein Bansal, Naheen To PM Karein Barkhaast https://www.angrejinews.com/pic/7710