'Isse Kam Doge To Mantri Ji Naaraaj Ho Jaaenge

Breaking »

'Isse Kam Doge To Mantri Ji Naaraaj Ho Jaaenge

Neeraj chauhaan nai Delhi. . 'Isse kam doge to MR (rel mantri) naaraaj ho jaaenge. ' poorv rel mantri pavan Kumar bansal ke bhaanje vijay singala ne railway adhikaari mahesh Kumar ko railway board meinbar (ilektrikl) ke malaaidaar pad par promotion ke liye saudebaaji karte hue yah baat kahi thi. Railway ghoosakaand ki jaanch kar rahi CBI ne singala aur mahesh Kumar ki baatcheet ke teps se bansal ke khilaaf kai aham saboot haasil kiye hain. Pichhle do maheenon ke kareeb 100 se 125 ghanton ki baatcheet ke teps se CBI ko 5-6 aise pauints mile hain,jo bansal ko badi mushkil mein daal sakte hain. Record ki gayi baatcheet mein bansal ka bhaanja vijay singala saaf-saaf kehta dikhta hai ki bansal ko bhi is ghoosakaand ki jaankaari thi. Gaurtalab hai ki bansal is maamale mein kah rahe hain ki unka bhaanja hi yah sabkuchh kar raha tha, unhein iski jaankaari naheen thi. Teps mein singala 'MR' ka jikr karte hue mahesh Kumar ko manachaahi posting ka bharosa dilaata dikhta hai. Sootron ke mutaabik ek doosari baatcheet mein singala mahesh Kumar se kehta hai ki 'MR' unase mulaakaat kareinge. Yahi naheen meeting mein kaun-kaun maujood hoga, vah iska bhi jikr karta hai. Baatcheet ke in teps se pehli najar mein yah saabit hota dikh raha hai ki singala yoon hi havaabaaji naheen kar raha tha. Maama ko sabkuchh maaloom hone ki usaki baat mein dam tha. Ek sootr ke mutaabik, 'Jo bhi in teps ko sunega, vah shaayad hi is baat par yakeen kare ki bansal bekhabar the. Saboot itne pukhta hain ki 70 parseint chaans bansal ke fansane ke hain. ' CBI in teps aur railway mantraalaya se jabt kiye gaye kaajagaat ke saath bansal se poochhataachh ki taiyaari kar rahi hai. Singala aur mahesh Kumar ki baatcheet se yah bhi pata chalta hai ki mahesh Kumar kis kadar railway board meinbar (staaf) se railway board meinbar (ilektrikl) ke pad par promotion ke liye bekaraar tha. Teps mein mahesh Kumar singala se kehta hai, 'Isse (is pad) to peene ke paani ka daam bhi naheen niklana. '

'Isse Kam Doge To Mantri Ji Naaraaj Ho Jaaenge https://www.angrejinews.com/pic/8668