Israeli Hamle Mein Syria Ke 42 Sainikon Ki Maut

World »

Israeli Hamle Mein Syria Ke 42 Sainikon Ki Maut

beroot. . Israel ke Syriai military thikaanon par haal hi mein kiye gaye havaai hamlon mein kam se kam 42 sainikon ki maut hui hai. Maanavaadhikaaron par najar rakhane waali ek Syriai NGO ne somvaar ko yah jaankaari di. NGO ke mutaabik, darjan bhar log laapata bhi hain. NGO se jude ek adhikaari ne bataaya ki jin sainya thikaanon par hamla kiya gaya, vahaan kareeb 150 sainik aam taur par maujood hote hain. Haalaanki, yah saaf naheen hai ki hamle ke vakt ye sabhi vahaan the ki naheen. Gaurtalab hai ki Syria ne ravivaar ko kaha tha ki rajdhani damishk ke kareeb 3 thikaanon ko nishaana banaaya gaya, jinmein military ke ek adde ke alaava hathiyaaron ka godaam aur ainti-eyarakraaft unit shaamil hai. Syriai sarkaar ne abhi tak marne vaalon ki koi aadhikaarik sankhya jaari naheen ki hai. Udhar, ek Israeli sootr ke mutaabik, jis hathiyaar ke godaam ko nishaana banaaya gaya, vah lebanaani aatanki group hijbulla ka tha. Hijbulla ko Syriai sarkaar ka najadeeki maana jaata hai. Sanyukt raashtra ne jataai chinta sanyukt raashtra ke mahaasachiv baan ki moon ne Syria mein Israeli havaai hamlon par gahari chinta jataai aur donon pakshon se shaanti baratne ki appeal ki. Baan ke office ki or se jaari ek bayaan mein kaha gaya ki is vakt sanyukt raashtra ke paas ghatnaaon ki poori jaankaari naheen hai, aur na hi sanyukt raashtra svatantr roop se inke hone ka satyaapan karne ki sthiti mein hai. Narasanhaar ki khabaron par America chintit Syria mein pichhle hafte 100 se adhik logon ki hatya ki khabaron par chinta jataate hue America ne kaha ki antararaashtreeya maanavaadhikaar kaanoon ke gambhir ullanghan ke liye jimmedaar logon ko javaabadeh thaharaaya jaana chaahiye. Vaait house ke pravakta josh ernest ne kaha, '2 May ko sattaadhaari sena ke alabaayada mein sau se adhik logon ki hatya karne ki khabarein daraane waali hain. '

Israeli Hamle Mein Syria Ke 42 Sainikon Ki Maut https://www.angrejinews.com/pic/7873