Isharat Maamala Police Adhikaariyon Ki Hiraasat 28 February Tak Badhi

Breaking »

Isharat Maamala  Police Adhikaariyon Ki Hiraasat 28 February Tak Badhi

Ahmedabad: Ek sthaaneeya adaalat ne do police adhikaariyon tarun barot aur bharat Patel ki hiraasat ki avadhi teen aur din ke liye badha di. Isharat jahaan ki kathit muthabhed mein hatya ke maamale mein CBI ne shanivaar ko in police adhikaariyon ko giraftaar kiya tha. Atirikt mukhya nyaayik magistrate HS khatavaad ne kaha, 'Aaropi police adhikaariyon ko aage ki poochhataachh ke liye 28 February tak ki police hiraasat mein bheja jaata hai. ' Agency ne poorv mein kaha tha ki donon aaropiyon ne ek din ki police hiraasat ke dauraan bachane ki yuktiyaan apnaai aur jaanchakartaaon se sahayog naheen kiya. Adaalat ne kal in donon ko ek din ki police hiraasat mein bheja tha. CBI ke vakeel Abhishek aroda ne kaha, 'Muthabhed ka maamala puraana hai tatha aaropi police adhikaari poochhataachh ke dauraan mahatvapoorn sabooton ko chhipaane ke liye vibhinn yuktiyaan apna rahe hain. ' CBI ne daleel di ki aaropi police adhikaari is baat se achhi tarah avagat the ki unhein mahaj 24 ghante ki hiraasat mein bheja gaya hai. Unhonne poochhataachh mein bilkul sahayog naheen diya aur chhipaane vaale javaab diye. Patel ka pratinidhitv karne vaale vakeel brujanaathasinh jhaala ne kaha ki 24 ghante ki hiraasat milne ke baavajood CBI ne mahaj dedh ghante poochhataachh ki.

Isharat Maamala Police Adhikaariyon Ki Hiraasat 28 February Tak Badhi https://www.angrejinews.com/pic/2834