Iseebi Chaahata Hai Ek Maheene Pehle Shuroo Ho IPL

Cricket »

Iseebi Chaahata Hai Ek Maheene Pehle Shuroo Ho IPL

London. . England evam vels cricket board (iseebi) ne BCCI se kaha hai ki yadi Indian Premier league ek maheene pehle se aayojit kiya jaata hai to unke khilaadi is tee20 tournament mein khel sakte hain. 'The times' samaachaar patra ki report ke anusaar, iseebi ke mukhya kaaryakaari David koliyr pichhle saptaah Bhaarat gaye the jahaan unhonne BCCI adhikaariyon se baat karke unase IPL ke bhavishya ke kaaryakram ko nae sire se taiyaar karne ka aagrah kiya. Report mein kaha gaya hai ki iseebi England ke khilaadiyon ke dabaav mein aisa kar raha hai. Khilaadi IPL mein khelna chaahate hain aur kuchh khilaadiyon ne khuleaam apni naaraajagi bhi jaahir kar di hai. Report ke anusaar, koliyr chaahate hain ki bhavishya mein IPL April mein samaapt ho jaae taaki England ke khilaadi apne antararaashtreeya kaaryakram se samjhauta kiye bina ismein aasaani se bhaag le sakein. England ka antararaashtreeya kaaryakram May ke madhya mein shuroo hota hai. Is saal IPL 26 May ko samaapt hoga. Nyoojapepar ne koliyr ke havaale se kaha, 'Bhaarat mein hamaari bahut achhi baatcheet hui. Hamaare liye achha hoga yadi IPL 30 April tak samaapt ho jaae. Bhaarat mein tab bahut garmi naheen hoti hai. Humne apni baat rakh di hai. Ve apni taraf se sarvashreshth prayaas kar rah hain lekin unhein lagta hai ki kuchh seemaaen hain. '

Iseebi Chaahata Hai Ek Maheene Pehle Shuroo Ho IPL https://www.angrejinews.com/pic/5110