Is Saal Karmachaariyon Ki Pagaar 10.3 Pratishat Badhne Ke Aasaar

Business »

Is Saal Karmachaariyon Ki Pagaar 10.3 Pratishat Badhne Ke Aasaar

Nai Delhi: Desh mein is saal karmachaariyon ki tanakhvaah ausatan 10.3 pratishat hi badhne ki sambhaavana hai joki ek dashak mein sabse kam vruddhi hai. HR kansalteinsi farm eon hevit ke mutaabik, desh ki kharaab aarthik haalat ke chalte vetan vruddhi prabhaavit hone ki aashanka hai. Eon hevit India ke saajheedaar sandeep chaudhari ne kaha ki bhaarateeya companiyon dvaara 2013 mein apne karmachaariyon ka vetan ausatan 10.3 pratishat badhaae jaane ki sambhaavana hai. Haalaanki baad mein yah vruddhi dar ghatkar 9 se 9.5 pratishat bhi ho sakti hai. Chaudhari ne bataaya, ''Aarthik paridrushya ke mutaabik, 10.3 pratishat ki vruddhi ek dashak mein sabse kam hai. '' unhonne kaha ki yadyapi kaarobaari dhaarana mein sudhaar aa raha hai aur share baajaar mein teji ka rukh ban raha hai, anumaanit vetan vruddhi mein satarkata ka rukh apnaaya ja raha hai. Company dvaara karaae gaye sarvekshan mein Venezuela sheersh par hai jahaan is saal karmachaariyon ka vetan 25.6 pratishat badhaae jaane ki sambhaavana hai. Vaheen, Argentina doosare paayadaan par hai jahaan 24.2 pratishat vetan vruddhi ki sambhaavana hai.

Is Saal Karmachaariyon Ki Pagaar 10.3 Pratishat Badhne Ke Aasaar https://www.angrejinews.com/pic/2392