Is Divaais Se Bas 20 Second Mein Hogi Chaarjing

Breaking »

Is Divaais Se Bas 20 Second Mein Hogi Chaarjing

Washington. . 18 saal ki ek Indian American ladki ne super kaipesitr divaais banaai hai jisse aap apna phone 20 second se bhi kam samay mein chaarj kar sakte hain. Esha khare kailifaurniya se hain. Is khoj ke liye unhein intel foundation ne yang saaintist award bhi diya hai. Asal mein yah ek bahut chhoti divaais hai jo mobile phone baitari ke bheetar hi set ho jaati hai. Isse baitari 20 se 30 second mein chaarj ho jaati hai. Enabeesi ke mutaabik, isse huaa chaarj kaafi der tak tikta bhi hai. Is divaais ko taiyaar karne ke liye khare ko 50,000 dollar ka inaam bhi mila hai. Google ka bhi is par dhyaan gaya hai. Khare ke mutaabik, yah divaais 10,000 baar chaarj kar sakti hai. Jabki aam baitariyon mein chaarjing 1000 baar hi ho paati hai. Jab unase poochha gaya ki unhein is divaais ko banaane ki prerana kaise mili to unka kehna tha ki mere selafon ki baitari hamesha khatm ho jaati thi. Isse unhein aisi divaais banaane ki soojhi ki unhonne super kaipesitr bana daala. Ise banaate hue unhein nainokemistri mein apne intarest ka faayda mila. Unhein nai sambhaavnaaon ka pata laga jinka istemaal alag-alag morche par kiya ja sakta hai. Abhi tak yah chaarjing divaais sirf elaidi laait par hi test ki gayi hai par baaki upakaranon jaise ki mobile phone par bhi yah achha kaam kar sakti hai. Khare ki divaais kaafi lacheeli hai aur lapeti bhi ja sakti hai.

Is Divaais Se Bas 20 Second Mein Hogi Chaarjing https://www.angrejinews.com/pic/9168