Is Baar Sachin Ke Liye Bhaagyashaali Naheen Ban Paai 24 February

Cricket »

Is Baar Sachin Ke Liye Bhaagyashaali Naheen Ban Paai 24 February

Chennai: Apne baalasakha vinod kaanbali ke saath schooli star par record saajhedaari ho ya fir van-de cricket mein pehla dohara shatak, sachin Tendulkar ke liye 24 February bhaagyashaali din maana jaata tha, lekin aaj chennai mein Australia ke khilaaf pehle test match mein aisa naheen ho paaya. Tendulkar test cricket mein pichhle teen saal se adhik samay se shatak naheen laga paae hain. Emae Chidambaram stadium mein vah is intajaar ko samaapt karne ki sthiti mein dikh rahe the, lekin tabhi Nathan Leon ki geind unke balle ka kinaara lekar wicketon mein sama gayi. Tendulkar 81 run banaakar out ho gaye aur is baar 24 February unka saath naheen day paai. Unhonne theek 25 saal pehle 24 February, 1988 ko Mumbai ke shaaradaashram vidyaamandir school ki taraf se khelte hue kaanbali ke saath 664 run ki saajhedaari karke naya vishv record banaaya tha. Iske 22 saal baad 24 February, 2010 ko dakshin Africa ke khilaaf gvaaliyr mein Tendulkar ne fir se naya itihaas racha. Vah ek-divseeya antararaashtreeya cricket mein dohara shatak jadne vaale pehle ballebaaj bane. Tendulkar poore 50 over tak crease par tike rahe aur unhonne naabaad 200 run banaae the. Baharahaal, chennai test mein Tendulkar shatak se chook gaye, lekin iske baavajood vah ek naya record apne naam karne mein safal rahe. Vah ab test maichon mein 80 aur 89 ke beech sarvaadhik baar out hone vaale ballebaaj ban gaye hain. Yah 12vaan avsar hai, jabki Tendulkar 80 aur 89 ke beech out hokar pavilion laute. Australia ke elan bordar, England ke maaik etharatan aur Bhaarat ke Rahul Dravid 11-11 baar is in sankhyaaon ke beech out hue hain. Tendulkar chennai ki is paari mein bhi bold hue. Vah test maichon mein 54 baar bold ho chuke hain. Unhonne bordar (53 baar bold) ko peechhe chhoda. Ab keval Dravid (55 baar bold) hi sachin se is maamale mein aage hain. Pichhli 18 paariyon mein Tendulkar aath baar bold ho chuke hain.

Is Baar Sachin Ke Liye Bhaagyashaali Naheen Ban Paai 24 February https://www.angrejinews.com/pic/2693