Irom Sharmila Ko Fir Giraftaar Kiya Gaya
India » Tuesday, March 26, 2013
Imphal. . Manipur se vivaadit afaspa hataane ki maang par pichhle 12 saal se jyaada samay se anashan kar raheen saamaajik kaaryakarta irom sharmila chaanoo ko raajya police ne ek baar fir giraftaar kar liya hai. Ek adhikaari ne guruvaar ko iski jaankaari di. Poorvi Imphal mein pratham shreni nyaayik dandaadhikaari ke aadesh ke baad sharmila ko mangalvaar ko riha kiya gaya tha. Iske baad police ne Budhvaar shaam saat baje ke kareeb unhein giraftaar kar liya aur adaalat mein pesh kiya, jahaan se unhein 26 March tak ke liye nyaayik hiraasat mein bhej diya gaya. Is 'Lauh stri' ka aaj 40vaan janmadin hai. Pichhle 12 varshon se lagaataar anashan par baithi sharmila aatmahatya ka prayaas karne ke aarop mein kai baar giraftaar aur riha ho chuki hain. Is jurm ke liye unhein adhiktam ek varsh tak ki saja ho sakti hai. Mangalvaar ko rihaai ke baad sharmila Jawahar laal neharu aspataal ke kareeb sharmila kaanba lup shaanglen (sharmila bachaao kaaryaalaya) gain aur apna anashan jaari rakha. Sootr ne bataaya ki unki sehat behad kharaab thi aur unhonne police aur sarkaari doctoron dvaara jaanch karaane se kal subah inkaar kar diya, jiske baad Budhvaar shaam unhein giraftaar kar jail ke roop mein tabdeel aspataal ke suraksha vaurd mein rakha gaya hai, jahaan unhein naak ke maadhyam se bhojan diya ja raha tha