Iraq Mein Bhaarateeya Kaamagaaron Ke Passport Naheen Lautaae Ja Rahe Emanesti

Breaking »

Iraq Mein Bhaarateeya Kaamagaaron Ke Passport Naheen Lautaae Ja Rahe  Emanesti

Nai Delhi: emanesti international ne kaha hai ki Iraq ke najaf praant mein saikadon bhaarateeya kaamagaaron ka passport unke maalikon ne dene se inkaar kar diya hai, jis vajah se ve vahaan fanse hue hain. emanesti international India ne press vigyapti mein kaha, suraksha balon aur sashastr balon ke beech ladaai tej ho rahi hai aur yeh poore Iraq ki janta ko prabhaavit kar rahi hai, vahaan fanse bhaarateeya kaamagaaron ko khataron ka saamana karna pad sakta hai. sanstha ke mutaabik isne kuchh bhaarateeya kaamagaaron se phone par baat ki hai, jinka kehna hai ki unhein paanch maheene se vetan naheen diya gaya aur unka passport bhi rakh liya gaya hai. emanesti ke mutaabik, ek kaamagaar ne kaha, hinsa bhadkane se ham dare hue hain aur isliye khud ko company parisar ke daayare mein samet liya hai. Bina passport ke ham desh naheen chhod sakte, aur har gujarata din hamein aur asurakshit mahasoos karaata hai. Ham sirf ghar vaapas jaana chaahate hain. kaamagaaron ne emanesti ko yeh bhi bataaya ki unhonne Baghdad sthit bhaarateeya dootaavaas ko apni chinta se avagat karaaya hai, jinhonne unase mobile sandesh ke jariye passport ka byora bhejane ki maang ki hai. Unhonne 19 June ko byora bheja tha aur ab javaab ka intajaar kar rahe hain. Ek anya kaamagaar ne emanesti se kaha ki unke agenton ne unase kaha hai ki ve surakshit hain aur khatra mahasoos karne par unhein surakshit sthaan par bhej diya jaaega. idhar, antarraashtreeya maanavaadhikaar sanstha ne Bhaarat sarkaar ke fanse hue kaamagaaron ko surakshit nikaalne ke kadam ka svaagat kiya hai aur un pravaasi kaamagaaron par vishesh dhyaan dene ki appeal ki hai, jinka passport sambhavat: Unke maalikon ko saunp diya gaya hai. Emanesti ne sabhi hathiyaarband sangathan se bina shart sabhi bandhakon ko riha karne aur naagrikon par hamla band karne ki appeal ki hai.

Iraq Mein Bhaarateeya Kaamagaaron Ke Passport Naheen Lautaae Ja Rahe Emanesti https://www.angrejinews.com/pic/54678