Iran Ki Kraanti Desh Ke Liye Vifalta Laai Trump

Business »

Iran Ki Kraanti Desh Ke Liye Vifalta Laai  Trump

Washington, 12 February (eefapi) America ke raashtrapati donaald trump ne kaha hai ki chaar dashak pehle Iran mein hui islaamik kraanti desh ke liye poori tarah vifal saabit hui hai. Irani kraanti ki saalagirh par kiye gaye tweet mein trump ne kaha, ''Bhrashtaachaar ke 40 saal. Daman ke 40 saal. Aatank ke 40 saal. Iran mein shaasan ne 40 saal ki sirf vifalta di hai. '' unhonne kaha, ''Lambe samay se kasht bhugat rahi Iran ki janta kaheen adhik ujjval bhavishya ki hakdaar hai. '' isse pehle trump ke mukhya videsh neeti salaahakaar John boltan ne tweet karke isi tarah ka bayaan jaari kiya, ''Ye viflataaon ke 40 saal hain. Ab Irani shaasan par nirbhar karta hai ki vah apne vyavahaar ko badle aur antat: Iran ke logon par yeh nirbhar hai ki ve apne desh ki disha ko tay karein. '' boltan ne kaha, ''Washington Iran ki janta ki ichhaaon ka samarthan karega aur is baat ko sunishchit karne ke liye unke saath khada hoga ki unki aavaaj suni jaae . '' gaurtalab hai ki 1979 mein Iran mein hui kraanti ka jashn manaane ke liye Tehran mein badi taadaad mein log jute the. Is kraanti ke jariye muslim neta ayaatulla khumaini ne sadiyon puraane shaahi shaasan ka ant kar diya tha. Iran ke raashtrapati hasan roohaani ne iraaniyon se kaha ki unhein Washington ki 'Saajish' ka pratirodh karna chaahiye. America aur Iran ke beech 1980 se kootaneetik sambandh naheen hai. Trump ne Iran ke parmaanu hathiyaar kaaryakram ko band karne ke liye uske saath hue antararaashtreeya samjhaute se America ko alag kar liya tha. eefapi dileep simmeesimmi.

Iran Ki Kraanti Desh Ke Liye Vifalta Laai Trump https://www.angrejinews.com/pic/254219