Iran Ki Bhaarat Ko Lubhaavani Tel Deal Ki Peshakash

Business »

Iran Ki Bhaarat Ko Lubhaavani Tel Deal Ki Peshakash

Tehran. . Pashchimi deshon ke pratibandh ka saamaana kar rahe Iran ne Bhaarat ko tel utkhanan kshetr mein nae anunbadh ke tahat utpaadan mein saajhedaari dene ki peshakash ki hai. Bhaarat Iran ka teesara sabse bade tel graahak hai aur vah Bhaarat ko jode rakhana chaahata hai. America tatha Europeeya sangh ne Iran ke parmaanu kaaryakram ko lekar uske khilaaf aarthik-vyaapaarik pratibandh laga rakhe hain, jisse usaki arthavyavastha thap ho rahi hai. Yahaan Bhaarat-Iran sanyukt aayog ki baithak ke dauraan Iran ke videsh mantri Ali Akbar saalehi ne videsh mantri Salman khursheed se yah peshakash ki. Baithak mein oorja sahayog vishay par charcha hui. Bhaarat ne pichhle pichhle vitt varsh mein Iran se tel aayaat mein 26.5 pratishat kam kar diya, kyonki America tatha Europeeya pratibandh ke kaaran Iran se tel aayaat mein mushkil ho rahi hai. Paramparaagat roop se Iran videshi companiyon ko keval seva ka theka hi deta raha hai. Iske tahat videshi companiyon ko unki sevaaon ke liye tay dar se bhugataan kar diya jaata hai. Iske iske vipreet utpaadan saajhedaari anubandh ke tahat doosare desh ko utkhanit aur utpaadit tel kshetr mein maalikaana hak milta hai. Is tel ko videshi company apni ichha ke mutaabik kaheen bhi le jaane ke liye svatantr hogi. ONGC ke netrutv mein bhaarateeya companiyon ne gas se maalaamaal faarasi blauk mein utkhanan ke liye anubandh haasil kiya hai, jo seva anubandh hai. Agar ise utpaadan saajhedaari vyavastha mein badla jaata hai to iska matlab hoga ki Bhaarat kareeb 13,000 ghan fut gas haasil kar sakta hai. Yah peshakash karte hue saalehi ne kaha ki Iran ko Bhaarat ki oorja jarooraton ke liye ek vishvasaneeya srot ke roop mein vichaar kiya jaana chaahiye. Bhaarat ne 2012-13 mein Iran se 1.33 karod tan kachche tel ka aayaat kiya jo isse poorv varsh mein 1.81 karod tan tha. America tatha Europeeya pratibandh ke kaaran dollar tatha Euro mein bhugataan na ho paane ke kaaran ab Iran ko keval rupaye mein bhugataan kiya jaata hai. Rupaye mein bhugataan ke mudde par Iran ne kaha ki Bhaarat mein jo atirikt raashi jama hai, use vahaan buniyaadi dhaancha samet anya pariyojanaaon mein lagaaya ja sakta hai. Baatcheet ke baad jaari sanyukt bayaan mein kaha gaya hai ki donon pakshon ne vyaapaar tatha banking kshetr mein sahayog badhaane ki ahamiyt ko doharaaya hai. Bayaan ke anusaar, 'Donon paksh donon deshon mein sanyukt nivesh ki sambhaavana ke adhyayan par sahamat hue hain. Audyogik kshetr mein apni kshamataaon ko rekhaankit karte hue donon paksh is kshetr mein apna sahayog badhaane par sahamati jataai hai. '

Iran Ki Bhaarat Ko Lubhaavani Tel Deal Ki Peshakash https://www.angrejinews.com/pic/7669