Ipeeefao Chaaloo Vitt Varsh Mein Dega 8.5 Feesad Byaaj

Business » Monday, February 25, 2013

Nai Delhi: Karmachaariyon ke sevaanivrutti kosh ka prabandh karne waali sanstha ipeeefao ne apne kareeb paanch karod khaataadhaarakon ki bhavishya nidhi par 2012-13 ke liye 8.5 feesad ki dar se byaaj dene ka faisala kiya hai. Isse pichhle vitt varsh mein 8.25 feesad ki dar se byaaj diya gaya tha. Karmachaari unionon ne ise kam bataate hue is faisale par aapatti jataai hai. Yah faisala keindreeya nyaasi board (seebeeti) ki baithak mein kiya gaya. Yah board karmachaari bhavishya nidhi kosh sangathan (ipeeefao) ke maamalon mein nirnaya karne waali sarvochch samiti hai. Iski baithak ki adhyakshata shram mantri mallikaarjun khadge ne ki. Seebeeti ki baithak ke baad ol India trade union Congress (etak) ke sachiv deeel sachadev ne kaha, 'Bhavishya nidhi jama par (2012-13 ke liye) 8.5 feesad ki dar se byaaj chukaane ka faisala kiya gaya hai lekin humne is par aapatti jaahir ki hai kyonki ham isse jyaada byaaj dar ke hak mein hain. ' Isse pehle, ipeeefao dvaara vitt evam nivesh samiti (efaaaisi) ki 15 February ki baithak ke liye taiyaar not mein kaha tha '2012-13 ke liye 8.5 feesad ki byaaj dar vyaavahaarik hai. ' Ipeeefao ke anumaan ke mutaabik is vitt varsh ke liye bhavishya nidhi par 8.6 feesad ki byaaj dar dene se 240.49 karod rupaye ka ghaata hoga jabki 8.5 feesad ki byaaj dar se ipeeefao ke paas 4.13 karod rupaye ki atirikt raashi bachegi. Isse pehle 15 February ko hui efaaaisi ki baithak mein shramik sangathanon ke netaaon ne chaaloo vitt varsh ke liye byaaj dar chukaane se judi charcha mein bhaag naheen liya tha kyonki is mudde se juda agenda not unhein pehle muhaiya naheen karaaya gaya tha. Ipeeefao par byaaj dar ki adhisoochana vitt mantraalaya ki sahamati se jaari ki jaat hai. Saamaanyat: Byaaj dar ki ghoshana vitt varsh ke shuroo mein hi kar di jaati hai par is saal ismein vilamb huaa. 2010-11 mein ipeeef par byaaj 9.5 pratishat tha.