Intelligence Bureau Ke Poorv Pramukh Ajit Dobhaal Bane Nae Raashtreeya Suraksha Salaahakaar

Breaking »

Intelligence Bureau Ke Poorv Pramukh Ajit Dobhaal Bane Nae Raashtreeya Suraksha Salaahakaar

File photo File photo Nai Delhi: kai sammaan pa chuke khufiya bureau ke poorv pramukh ajit dobhaal ko aaj raashtreeya suraksha salaahakaar ke pad par niyukt kiya gaya hai. pradhaanamantri Narendra Modi ke padabhaar sambhaalne ke baad doosari badi niyukti ke tahat 69 varsheeya dobhaal ko yeh pad saunpa gaya. Isse pehle nrupeindr mishr ko Modi ka pradhaan sachiv banaaya gaya tha. aadhikaarik aadesh ke anusaar, January 2005 mein khufiya bureau ke pramukh ke pad se sevaanivrutt dovaal ki niyukti aaj hui. Is aadesh mein kaha gaya ki unki niyukti pradhaanamantri ke kaaryakaal tak ya agale aadesh tak, jo pehle ho, laagoo rahegi. Modi ke pradhaanamantri pad ki shapath lene se pehle se dobhaal ko is pad ki jimmedaari saunpane ki charcha shuroo ho gayi thi. Dobhaal ne Gujarat bhavan mein Modi se mulaakaat ki thi aur desh ke saamane maujood suraksha chunautiyon se unhein avagat karaaya tha. sainya sammaan 'Keerti chakr' se sammaanit hone vaale pehle police adhikaari dobhaal desh ke bheetar aur baahar se maujood khataron ke baare mein apne gahre najariye ko upalabdh karaaenge. varsh 1968 baich ke IPS adhikaari dobhaal varsh 1999 mein kandhaar le jaae gaye Indian airlines ke vimaan aaisi 814 ke apaharanakartaaon ke saath mukhya vaartaakaar the. Kuchh saal vardi mein bitaane ke baad, dobhaal ne 33 saal se adhik samay khufiya adhikaari ke taur par bitaaya aur is dauraan vah poorvottar, Jammu Kashmir aur Punjab mein tainaat rahe. dobhaal ne Pakistan aur Britain mein raajanayik jimmedaariyaan bhi sanbhaaleen aur fir kareeb ek dashak tak khufiya bureau ki operation shaakha ka netrutv kiya. seva se sevaanivrutt hone ke baad, vah Delhi sthit NGO 'Vivekaanand international foundation' chala rahe the jo vaarta aur vivaad nibtaare ke liye manch upalabdh karaata hai. bhaarateeya aur vaishvik suraksha muddon par spasht najariya rakhane vaale dobhaal ne bhaarateeya suraksha vyavastha kadi karne aur vaishvik star par suraksha balon ke beech kareebi sahayog badhaane ke liye desh videsh mein vistrut roop se apni baat rakhi. Vah seva mein keval chhah varsh mein bahaaduri ke liye raashtrapati police padak se sammaanit hone vaale pehle police adhikaari hain. Yeh sammaan aamtaur par 15 varsh baad diya jaata hai. dobhaal mijoram mein ugravaad nirodhak abhiyaan chalaakar iske saat mein se chhah commanderon ko apne paksh mein kar mijo ugravaadi neta laaladeinga ko vaarta ki mej par lekar aae. saal 1989 mein unhonne amrutasar ke svarn mandir se aatankvaadiyon ka safaaya karne ke liye 'Operation black thandar' ke tah Punjab police aur raashtreeya suraksha guard ke saath milkar khufiya bureau ke adhikaariyon ke dal ka netrutv kiya tha. Dobhaal ne varsh 1991 mein khaalistaan liberation frant dvaara apaharan kiye gaye romaaniyaai raajanayik liviu raadoo ko bachaane ki safal yojana banaai thi. Iske alaava Kashmir mein apne kaaryakaal ke dauraan, dobhaal aatankvaadi samoohon ko todne mein bhi safal rahe the.

Intelligence Bureau Ke Poorv Pramukh Ajit Dobhaal Bane Nae Raashtreeya Suraksha Salaahakaar https://www.angrejinews.com/pic/52255