Intaranaishanal Teerandaaj Pratima Ne Khudakushi Ki

Sports »

Intaranaishanal Teerandaaj Pratima Ne Khudakushi Ki

Pune. . Asam ki antararaashtreeya teerandaaj pratima boro ne shukravaar ko Pune mein army sports training center mein aatmahatya kar li. Vah raashtreeya shivir mein shaamil theen. Pratima apne haustal ke kamre mein chhat ke pankhe par lataki hui paai gain. Is 20 saal teerandaaj ne aatmahatya ke liye apni chaadar ka istemaal kiya. Pata chala hai ki vah pichhle kuchh samay se tanaav ki shikaar theen. Usaki saathi teerandaajon ko tab sandeh huaa jab vah rikrv spardha ke liye raashtreeya shivir ke subah ke satr mein naheen pahunchi aur ve sab use dhoondhane lage. Teerandaaji sootron ke anusaar, 'Jab uske dost uske kamre mein gaye to unhonne kamara andar se band paaya. Unhonne darvaaja khola aur dekha ki vah chhat ke pankhe se lataki hui theen. ' pratima ke is kadam ka sahi kaaran abhi tak pata naheen chal saka hai. Shav postmortem ke liye bhej diya gaya hai. Training center ke sootron ne kaha ki jahaan pratima ne aatmahatya ki, vahaan koi mahila vaurdan naheen thi. Khel mantraalaya ne bhaarateeya teerandaaji sangh ki maanyata radd ki hui hai, isliye rikrv spardha ka shivir army sports training center mein aayojit kiya ja raha tha. Pratima 2009 world cup ke Shanghai mein hue chauthe charan aur isi saal world championship mein bhaarateeya rikrv mahila team ki sadasya theen. Vah Jamshedpur mein tata teerandaaji academy ki kaidet bhi theen.

Intaranaishanal Teerandaaj Pratima Ne Khudakushi Ki https://www.angrejinews.com/pic/7578