Intarakaast Mairij Par Bhide Do Gut, 9 Ghaayal

India »

Intarakaast Mairij Par Bhide Do Gut, 9 Ghaayal

ek samvaadadaata . Kaithal jile ke pabanaava gaanv mein intarakaast mairij ko lekar gaanv ke do gut aapas mein bhid gaye. Is sangharsh mein 6 policekarmiyon sahit 9 log ghaayal ho gaye. Ghaayalon mein DSP bhi shaamil hain. Ghaayalon ko aspataal mein daakhil karaaya gaya hai. Policekarmiyon ko aspataal se chhutti day di gayi hai. Ghatna ke baad se gaanv mein tanaav ka maahaul hai. Guteeya sangharsh mein jamkar int-patthar aur laathiyaan chaleen. Police ko in par kaaboo karne ke liye havaai fire bhi karna pada. Gaanv mein bhaari police bal ko tainaat kiya gaya hai. Kai jilon se policekarmiyon ko bulaaya gaya hai. Sootron se mili jaankaari ke anusaar, gaanv ki ek ladki ne doosari biraadari ke ladke ke saath gaanv se baahar jaakar shaadi kar li thi. Unhonne shanivaar ko kaithal aakar police suraksha li. Gaanv ke kuchh logon ko yah shaadi naagavaar gujri. Iske baad shanivaar raat ladke ki basti par hamla kar diya gaya aur kai gharon mane jamkar todfod ki gayi. Soochana milte hi police mauke par pahunch gayi. Police bal par bhi logon ne dhaava bol diya. Iske baad police aur logon mein jhadap hui jismein 6 policekarmi ghaayal ho gaye. Ghaayalon mein DSP anil Kumar bhi shaamil hain. DSP anil Kumar ka kehna hai ki shanivaar raat gaanv mein intarakaast mairij ke chalte jhagada ho gaya, jismein policekarmiyon ko chotein I hain. Gaanv mein tanaav ko dekhte hue police bal ko tainaat kiya gaya hai.

Intarakaast Mairij Par Bhide Do Gut, 9 Ghaayal https://www.angrejinews.com/pic/5583