Infosys Ne Kholi Market Enaaliston Ki Pol

Business »

Infosys Ne Kholi Market Enaaliston Ki Pol

sugaata ghosh Mumbai kuchh saal pehle aae dubai sankat ne enaalists ko surprise kar diya tha. Aisa naheen tha ki khatra aane se pehle inavestars ko aagaah karne vaale enaalists iska andaaja naheen laga paae the. Baat sirf itni thi ki ve dubai ko track naheen kar rahe the. Jab bank badi mushkil se business mein bane hue the, tab ameeraat ke ek meinbar ko track karne ke liye profeshanals ki bharti karna bevakoofi bhara lag raha tha. Khushakismati se sankat ke gambhir hone se pehle hi us par kaaboo pa liya gaya. Ab saaipras mein aisa hi ho raha hai, lekin is baar maamala dubai se jyaada seeriys hai, par iske sankat ka roop lene ke aasaar naheen hain. Dubai ki tarah hi koi bhi saaipras par najar naheen rakh raha tha. Kredit rating agencyon ki tarah hi enaalists par bhi aksar galat forakaast ki tohamat lagti rahati hai. Daraasal, jo cheej kam inpaurteint najar aati hai, un par ve dhyaan naheen dete. Ve samay bachaane ke liye sors ke bharosemand hone par uske forakaast ko sahi bataate the. Saalon se Infosys aisa hi sors tha. Enaalist kamyuniti ne use enaalaaij karne ka kaam company par hi chhoda huaa tha. Lekin Infosys dubai ya saaipras naheen hai. Yah aisa share hai, jise kareeb se track kiya jaata hai. Iske rijlts ka elaan aisa iveint hota hai ki uske baad media mein iske egjikyootivs ki pehli baait lene ki hod mach jaati hai. Haalaanki, inmein ek samaanata hai. Dubai aur saaipras ki tarah hi kuchh enaalist forakaast ko lekar raaton ki neend haraam kiye rahate the. Samay ke saath iska sateek anumaan lagaana mushkil ho gaya. Infosys apne baare mein jo kehti thi, market ko jo gaaideins deti thi, enaalists ke liye vah kaafi hota tha. Unhein apni report banaane ke liye isi par thodi-bahut mehnat karni padti thi. Kaam aasaan tha: Agar pichhle do quarter achhe the aur market stebal najar aa raha ho, to enaalists company ke praufit aur sales mein kitni badhotri hogi, iska andaaja lagaate the. Agar cheejein theek naheen hoti theen, tab in estimet mein kami ki jaati thi. Ab aisa naheen hai. Market ko alag tarah se prabhaavit karne vaale enaalists ki team ko yah samajh mein aa gaya hai ki Infosys ke paas bahut kam maukon par niyamit growth ka arning kushan hoga.

Infosys Ne Kholi Market Enaaliston Ki Pol https://www.angrejinews.com/pic/5839