Industry Ek Kathin Jagah, Sangharsh Jaroori Aditi Rao Hydari

Movies » Thursday, February 21, 2013

Mumbai: Abhinetri aditi Rao Hydari ka kehna hai ki Bollywood mein pair jamaane ki apni koshishon ke dauraan unhonne apni poorv ki asafalataaon se seekha hai. Ab vah sabhi tarah ke anubhav lena chaahati hain aur isliye vah parde par mukhya kirdaar hi nibhaana chaahati hain. Aditi ne kaha, chaahe yah das minute ki bhoomika ho ya aadhe ghante ki bhoomika, mujhe lagta hai ki aapko use utane hi josh, pyaar aur mehnat se nibhaani chaahiye, jitna ki aap nibha sakte hain. Jab aap naayika hoti hain to aapko parde par ek poora jeevan jeene ka mauka milta hai aur isliye main naayika hi banana chaahati hoon. Lekin jab aap sahaayak bhoomika mein hote hain to aapko jeevan ka keval ek paksh hi jeene ko milta hai. Abhinetri abhineta Aamir Khan ki patni kiran Rao ki bahan lagti hain, lekin unka kehna hai ki film industry ek kathin jagah hai, jahaan aapko sangharsh karna laajimi hai. Aditi ki pehli film 'Delhi-6' thi, lekin unhein unki agali film 'Ye saali jindagi' ki bhoomika se pehchaan mili. Aditi ne kaha, film nagari bahut hi kathin jagah hai. Main yahaan Delhi se I thi aur yahaan kisi ko naheen jaanti thi. Isliye mere liye sab kuchh achha hi hai aur ek abhinetri bankar main bahut khush hoon. Aditi ka kehna hai ki kisi abhineta se sampark sirf aapki or dhyaan aakarshit karne ka kaam karta hai. Aditi ne imtiyaaj Ali ki film 'Raukastaar', goldi bahal ki 'London peris New York' aur bhatt camp ki 'Murder-3' mein alag-alag bhoomikaaen nibhaain.