Indore Patni Ne Pati Ko Goli Maarkar Tadpane Ko Chhod Diya

Breaking » Wednesday, February 20, 2013

Indore: Indore mein ek dil dahala dene waali ghatna mein patni ne pati ko goli maar di. Ghatna shahar ke khajaraana ilaake ke naadarashaah colony ki hai. Pati ko goli maarane ke baad mahila ne tadpate hue pati aur khud ko ek kamre mein band kar liya tha. Police aur sthaaneeya rahavaasiyon ne kisi tarah samajhaaish dekar darvaaja khulaane ke baad mahila ko hiraasat mein liya. Jaankaari ke anusaar Indore ke khajaraana ilaake mein Budhvaar subah paanch baje goli ki ek aavaaj ne poore ilaake mein hadkanp macha diya. Goli yahaan rahane vaale Asif ko lagi thi, lekin log kuchh samajh paate iske pehle hi Asif ko goli maarane waali usaki patni naajiya ne khud ko kamre mein band kar liya. Ek taraf Asif tadp raha tha aur doosari or usi kamre mein maujood naajiya darvaaja kholne ke liye raaji naheen thi, kareeb aadhe ghante tak samajhaane ke prayaas ke baad aur mobile phone par baatcheet ke baad naajiya kisi tarah darvaaja kholne ke liye raaji hui. Iske baad Asif ko ilaaj ke liye emavaaya aspataal le jaaya gaya, lekin tab tak usaki haalat behad naajuk ho chuki thi. Naajiya ne ye kadam kyon uthaaya. Iske baare mein bataaya ja raha hai ki draaivari karne vaale Asif ki naajiya doosari patni hai. Pehli patni use chhodkar ja chuki hai, jabki naajiya ka Asif ne haal hi mein garbhapaat karaaya tha. Iske baad se donon ke beech vivaad chal raha tha. Jaanch kar rahe afsaron ke mutaabik mangalvaar ko gas khatm hone ki vajah se ghar mein khaana naheen bana tha. Naajiya dinbhar bhookhi rahi aur raat ko bhi jab khaana naheen mila to fir usane usi avaidh katte se apne shauhar ko goli maar di jo vah khud apni patni ko dhamakaane ke liye istemaal karta tha.