Indore Mein Bas Mein Mahila Se Gang-rape, Teen Giraftaar

India » Tuesday, March 26, 2013

Indore. . Private traivals ki bas mein 38 varsheeya mahila se gang-rape ke aarop mein police ne bas driver aur conductor samet teen logon ko giraftaar kar liya. Tukoganj kshetr ke thaana prabhaari manoj ratnaakar ne bataaya ki aaropiyon ki pehchaan bas chaalak jaahid (30), conductor laala urf aajaad (22) aur raajesh (25) ke roop mein hui hai. Unhonne bataaya ki pati se kahaasuni hone ke baad 38 varsheeya mahila 15 March ko devaas se Indore aane ke liye maarbal bas service ki yaatri bas mein savaar hui thi. Ratnaakar ne mahila ki shikaayat ke havaale se bataaya ki Indore ke vijay nagar chauraahe par saari savaariyaan utaarane ke baad bas ko tukoganj kshetr ke ek injiniyring college ke paas rok diya gaya. Fir jaahid, laala aur raajesh ne mahila ke saath kathit taur par balaatkaar kiya. Police adhikaari ne bataaya ki vivaahita ki medical jaanch karaai gayi hai. Police ne us bas ko jabt kar liya hai, jismein uske saath kathit taur par gang-rape kiya gaya tha. Police teenon aaropiyon se kadaai se poochhataachh ke saath maamale ki jaanch mein juti hai