'Imarjeinsi Ke Dauraan Indira Ke Ghar Mein Tha Ameriki Jaasoos

Breaking »

'Imarjeinsi Ke Dauraan Indira Ke Ghar Mein Tha Ameriki Jaasoos

Nai Delhi. . Poorv pradhaanamantri indira Gandhi ke ghar mein 1975 se 1977 ke dauraan ek ameriki bhediya tha, jo unke har paulitikl moov ki khabar America ko day raha tha. Vikileeks ne ameriki kebals ke havaale se yah sanasaneekhej khulaasa kiya hai. Vikileeks ke mutaabik, imarjeinsi ke dauraan poorv pradhaanamantri indira Gandhi ke ghar mein maujood is bhediye ki unke har raajaneetik kadam par najar thi. Vah saari jaankaari ameriki dootaavaas ko muhaiya kara raha tha. Kebals mein is bhediye ke naam ka khulaasa naheen kiya gaya hai. Vikileeks ne Delhi mein ameriki dootaavaas se bheje gaye nae kebals jaari kiye hain. In kebals mein kai baar poorv pradhaanamantri indira Gandhi ke ghar ke 'Ek sootr' se mili jaankaari ka jikr hai. Kebals mein is sootr ke havaale se indira Gandhi ke sambhaavit aham faisalon kai aisi jaanakaariyaan America ko bheji gain, jo baad mein bilkul sahi nikleen. 1976 ke madhya mein ameriki dootaavaas ke ek kebal mein aashcharyanajak roop se is baat ka jikr hai ki indira Gandhi 1977 mein aam chunaav ki ghoshana karne waali hain. Haalaanki, yah saaf naheen hai ki yah soochana bhediye se mili thi ya naheen. 26 June 1975 ko indira Gandhi ke desh mein imarjeinsi ghoshit karne ke ek din baad ameriki dootaavaas ke kebal mein kaha gaya ki is faisale par vah apne bete sanjaya Gandhi aur sekretari RK dhavan ke prabhaav mein theen. Kebal mein likha hai, 'PM ke ghar mein maujood 'Kareebi' ne yah kanfarm kiya hai ki donon kisi bhi tarah indira Gandhi ko satta mein banaae rakhana chaahate the. ' yahaan donon ka matlab sanjaya Gandhi aur dhavan se hai. Yahi naheen imarjeinsi ke dauraan charan Singh ki giraftaari ke baare mein bhi kebal mein fir us bhediye ko kot karte hue bataaya gaya tha ki is par sanjaya Gandhi ka stand kya hai. In kebals mein imarjeinsi ke dauraan sanjaya Gandhi ki raajaneeti mein badhte dakhal ka jikr kiya gaya hai. Kebals mein bataaya gaya hai ki unke netrutv mein yooth Congress aur aiktiv rol ke liye sangathit ho rahi hai. Iske saath hi cabinet mantriyon aur top byoorokresi mein unke badhte samarthan ka jikr bhi kiya gaya hai.

'Imarjeinsi Ke Dauraan Indira Ke Ghar Mein Tha Ameriki Jaasoos https://www.angrejinews.com/pic/4950