'Imaandaar Aadmi Se Darati Hain Desh Ki Bhrasht Sarkaarein

India »

'Imaandaar Aadmi Se Darati Hain Desh Ki Bhrasht Sarkaarein

ek samvaadadaata . Jeend : Bhrashtaachaar ke khilaaf jan Lokpal bill laane ki maang ko lekar Haryana ki yaatra par aae poorv sainya pramukh general vi. Ke. Singh ne kaha ki bhrasht raajaneetik vyavastha ne aam janta ki kamar tod di hai. Lagaataar mahangaai se janta nit nai museebaton ke daladal mein fansati ja rahi hai, lekin kendra sarkaar ko isse koi lena-dena naheen hai. Desh ko bachaane ke liye sakriya naagrikon ko ekajut hokar sangharsh karna hoga. General vi. Ke. Singh ne jantantra yaatra ke tahat puraani anaaj mandi mein aayojit janasabha mein shukravaar der raat kaha ki bhrasht sarkaarein anna jaise imaandaar logon se darati hain. Vi. Ke. Singh ne kaha ki maujooda sarkaar jhoothe aankade pesh kar logon ko gumaraah kar rahi hai. Sarkaar kehti hai ki desh aarthik taur par badi taakat banane vaala hai, par hakeekat yah hai ki har aadhe ghante mein ek kisaan aatmahatya kar raha hai. Desh ke 23 karod log bhookhe pet sote hai to 35 karod logon ko sirf ek vakt ka hi khaana naseeb ho paata tha. Yah desh ki asli tasveer hai. Desh ka samvidhaan kalyaanakaari raajya ke liye banaaya gaya tha, lekin raajaneetik tantr ne poore desh ki janta ki kamar tod di. Poore tantr ko badalna hai. Bhaarat ko sone ki chidiya banaana hai.

'Imaandaar Aadmi Se Darati Hain Desh Ki Bhrasht Sarkaarein https://www.angrejinews.com/pic/4713