Ilaiktrik Line Ka Tower Gira
Breaking » Friday, March 29, 2013
ek samvaadadaata . Noonh estan private limited company dvaara bichhaai ja rahi 765 hajaar vault ki Agra-Delhi ilaiktrik line ka nirmaanaadheen tower guruvaar ko achaanak gir gaya. Yah taav khand ke shikraava gaanv mein lagaaya ja raha tha. Ghatna ke samay tower par lagbhag 2 darjan majadoor kaam kar rahe the. Tower girne se 5 majadooron ki maut ho gayi aur ek darjan majadoor buri tarah ghaayal ho gaye. Ghatna ki soochana paakar mauke par upamandal adhikaari, DSP, naayab tahaseeladaar punhaana, punhaana thaana prabhaari aadi pahunche. Police ne ghaayalon ko aspataal mein bharti karaaya hai. Bataaya ja raha hai ki engineer va thekedaaron ne majadooron ko tower par chadhkar kaam karne ke liye majaboor kiya tha. Ghatna ke baad nirmaan karne waali company ke adhikaari va thekedaar faraar ho gaye. Jaankaari ke mutaabik, 765 hajaar vault ki Agra-Delhi ilaiktrik line bichhaane ka kaam estan private limited company kar rahi hai. Yah kaam kai dinon se khand ke gaanv shikraava mein chal raha tha. Tower lagbhag taiyaar ho chuka tha. Engineer va thekedaaron ke aadesh par kareeb 2 darjan majadoor tower par chadhkar taarein kheenchne lage. Aarop hai ki adhik vajan ki vajah se tower ek or jhukane laga. Sthiti ko bhaanpate hue kuchh majadoor kaam chhodkar bhaagane lage. Tower par chadhe kai majadooron ne oopar se hi chhalaang laga di, isse kai tower ke engalon mein buri tarah fans gaye. Pratyakshadarshiyon ke mutaabik, 2 majadoor tower mein is kadar fans gaye ki unka sir buri tarah kuchal gaya aur unhonne mauke par hi dam tod diya. 3 majadoor tower ke saath gire, jisse teenon ki maut ho gayi. Is haadase mein ek darjan majadoor gambhir roop se ghaayal ho gaye. Marne vaale majadooron ki pehchaan shekh rintoo, sabeerool habloo, munneelaal hamaran, mutaarool momeen aur mo. Isaraail momeen ke roop hui hai. Ghaayal majadoor Ajay, Afzal, mo. Maareek, silon shekh, heera, matarekoo, aajam, chintoo, gul mohammad aadi ka aspataal mein ilaaj chal raha hai. Majadooron ne bataaya ki unhane company ke engineer va thekedaaron ne inkaar karne ke baavajood jabaran tower par chadhaaya tha. Majadooron ne bataaya tha ki tower kaam kaam adhoora hai, abhi taaron ki kheenchaai naheen ho sakti. Adhikaariyon ne 31 March tak kaam poora karne ki jid karte hue majadooron ko tower par chadhne ke liye majaboor kiya. Pingavaan chauki prabhaari vijyaanand ne bataaya ki police ne shavon ko unke parijanon ko saunp diya hai. Laaparavaahi ke aarop mein company ke engineer deenaaraaj aur sudarshan ke khilaaf maamala darj kar kaarravaai shuroo kar di gayi hai.