Ikviti Mein Taiktikl Elokeshan Se Jal Sakte Hain Aapke Haath

Business »

Ikviti Mein Taiktikl Elokeshan Se Jal Sakte Hain Aapke Haath

kuchh salaahakaar in dinon inavestars se kah rahe hain ki sudhare seinteemeint ka faayda lene ke liye ve ikviti mein taiktikl elokeshan karein, lekin doosare edavaaijars sartakata baratne ki salaah de rahe hain. Bata rahi hain madhu ti kuchh financial edavaaijars apne klaaints ko ikviti mein ekstra 'Taiktikl elokeshan' karne ki salaah de rahe hain. Unki daleel hai ki ek saal pehle det praudakts mein aise elokeshan se faayda hua tha aur ab ikviteej mein bhi yeh rananeeti kaaragar hogi. Kai logon ne ek saal pehle kamjor ikanaumik outlook ke beech saamane aae kai aakarshak det inavestameint vikalpon ko dekhte hue det mein elokeshan badhaaya tha. Haalaanki kendra mein nai sarkaar banane ke baad pichhle do saptaahon mein ikanaumik outlook badal gaya hai. Edavaaijars ka maanana hai ki inavestars ko sudhare seinteemeint ka faayda lena chaahiye aur agale kuchh varshon mein market se mil sakane vaale 'Shaanadaar return' ko haasil karne ka mauka naheen ganvaana chaahiye. Doosari or, aalochakon ka kehna hai ki yeh straiteji aur kuchh naheen, balki market mein timing ka khel khelne ki ek aur chaal hai. Velth management farm traanseind kansalting ke director kaartik jhaaveri ne kaha ki aisi salaah dene vaale log financial planning se jude naheen hain. Ve turat-furat paise banaakar nikal lene vaale mainejars ya hej fund mainejars ki tarah bartaav kar rahe hain, jo market ke performance ke aadhaar par rakam eloket karte hain. Unhonne kaha ki ve kisi siddhaant ka paalan naheen kar rahe hain aur unki buniyaadi daleel hi galat hai. Ve yeh daava kaise kar sakte hain ki det mein unke taiktikl elokeshan se laabh hua, jabki pichhle ek saal mein ikviti myoochual fands 30-40 parseint chadhe hain. Jhaaveri ne kaha ki jo log apne ikviti elokeshan ke saath date hue the, ve ab market mein teji ka faayda uthaaenge. Orijinl plaan par focus jaroori: Laidar 7 financial edavaaijareej ke principle financial plaanar suresh sadagopan ne kaha ki jyaadaatar logon ke liye taiktikl elokeshan ki straiteji kaaragar naheen hai kyonki is vakt bhi ikviti mein unka inavestameint jaroorat se behad kam hai. Unhonne kaha ki pichhle kuchh varshon mein kai logon ne apna ikviti inavestameint ghataaya hai. Unhein taiktikl elokeshan jaisi baaton par dhyaan na dekar agale chhah maheenon mein apne orijinl elokeshan plaan par vaapas aane ki koshish karni chaahiye. Sadagopan ne is vakt ikviteej mein taiktikl elokeshan ki vyaavahaarikta par bhi savaal uthaaya. Unhonne kaha ki market agale chhah maheenon ya ek saal mein naatakeeya dhang se badalne vaala naheen hai. Inavestameint anushaasan ka maamala hai. Market kandeeshans ke hisaab se ismein badlaav naheen kiya jaata hai. Jhaaveri ka kehna hai ki jo log aisa elokeshan karne ja rahe hain , ve pehle hi rally ka achha - khaasa hissa miss kar chuke hain. Unhonne kaha ki kuchh fands , khaastaur se midcap fands ne pehle hi 50 parseint return de diya hai. To ab agar koi is iraade se market mein jaae to uske gen ka kuchh hissa to ek had tak seemit ho chuka hai. Jyaadaatar edavaaijars ka kehna hai ki ve apne klaaints ko bataate rahate hain ki market ke mood ka anumaan lagaana sambhav naheen hai aur ise dekhte hue unhein apne lakshya tay karne chaahiye aur inhein haasil karne ke liye yathaasanbhav behtar inavestameint instroomeints chunane chaahiye. Ek velth manager ne kaha ki market ka andaaja koi naheen laga sakta. Aap ek - do baar sahi daanv laga sakte hain , lekin baaki maukon par galat bhi ho sakte hain. Yahi vajah hai ki ham apne klaaints ko laung - tarm financial gols ke liye hi market mein inavest karne ki salaah dete hain. Unhonne kaha ki ham unase yeh bhi kehte hain ki unhein badi giraavat ya badi rally par maathaapachchi naheen karni chaahiye kyonki agar aap market mein saat ya 10 varshon ke liye gaye hain to aisi baatein to kuchh maukon par hongi hi. Plaan par tike rahein : Jhaaveri ka maanana hai ki inavestameint prinsipls par tike rahana chaahiye , bhale hi market ki kandeeshans kaisi bhi hon. Unhonne kaha ki agar ritaayarameint ya bachche ki shiksha jaise laung tarm gol ke liye ikviti inavestameint ki jaroorat hai to market ki haalat chaahe jaisi ho , aapko sheyaron mein nivesh banaae rakhana chaahiye. Jhaaveri ne kaha ki jab market ka haal achha naheen tha aur ikanaumik outlook bhi kharaab tha , tab bhi humne apne klaaints ke liye ikviti inavestameint barkaraar rakha. Ab ve faayde le rahe hain. Sadagopan ne kaha ki ek baat inavestars ko hamesha yaad rakhani chaahiye ki agar ve kam samay mein maal kaatne ki ummeed se baajaar mein jaaenge to unhein niraash hona pad sakta hai.

Ikviti Mein Taiktikl Elokeshan Se Jal Sakte Hain Aapke Haath https://www.angrejinews.com/pic/52706