Ikvaador Ke Raashtrapati Ne Asaanje Ki Sharan Vaapas Lene Ke Apne Faisale Ka Kiya Bachaav

World »

Ikvaador Ke Raashtrapati Ne Asaanje Ki Sharan Vaapas Lene Ke Apne Faisale Ka Kiya Bachaav

London, 15 April (eefapi) ikvaador ke raashtrapati lenin moreno ne jooliyn asaanje ko sharan dene ke apne faisale ko palatane ke haaliya kadam ka bachaav karte hue kaha ki vikeeleeks ke sansthaapak ne ikvaador ke London dootaavaas mein 'Jaasoosi kendra' sthaapit karne ki koshish ki thi. raashtrapati ne yeh baat 'The gaarjiyn' samaachaarapatr ke saath ek saakshaatkaar ke dauraan kahi. moreno ne kaha, '' yeh durbhaagyapoorn hai ki hamaare kshetr se aur poorv sarkaar ke adhikaariyon ki ijaajat se ikvaador dootaavaas mein doosare deshon ke maamalon mein hastakshep karne ke liye suvidhaaen muhaiya karaai gain. '' unhonne kaha, '' ham apne ghar ka istemaal jaasoosi kendra banaane ke liye naheen hone de sakte hain. '' raashtrapati ne kaha, '' hamaara faisala svechhaachaari naheen hai, yeh antararaashtreeya kaanoon par aadhaarit hai. '' vikeeleeks ke sansthaapak asaanje London mein hiraasat mein hain. Un par 2012 mein Britain mein mili jamaanat ka durupayog karke ikvaador ke dootaavaas mein sharan lene ka aarop hai aur is maamale mein vah saja ki prateeksha kar rahe hain. Britain se sveedan pratyarpit kiye jaane ke bhaya se unhonne ikvaador ke dootaavaas mein sharan li thi. isse pehle ravivaar ko asaanje ke vakeel ne kaha tha ki asaanje ke khilaaf balaatkaar ke maamale ko fir se khola jaata hai to unke muvvakil sveedan ke adhikaariyon ke saath sahayog kareinge. Lekin America pratyarpit kiye jaane ka vah virodh karte raheinge. haalaanki asaanje apne oopar lage baalaatkaar ke aarop se inkaar karte rahe hain. eefapi sneha shobhanaashobhana.

Ikvaador Ke Raashtrapati Ne Asaanje Ki Sharan Vaapas Lene Ke Apne Faisale Ka Kiya Bachaav https://www.angrejinews.com/pic/268014