Ikvaador Ke Poorv Raashtrapati Ko 12 Saal Kaaraavaas

Breaking »

Ikvaador Ke Poorv Raashtrapati Ko 12 Saal Kaaraavaas

Kveto: ikvaador ke national court of Justice ne poorv raashtrapati jameel maahaud ko dhokhaadhadi ke maamale mein 12 saal kaaraavaas ki saja sunaai hai. samaachaar agency shinhuaa ke anusaar, nyaayaalaya ne guruvaar ko apne twitter account par likha ki maahaud dvaara kiye gaye aparaadh ne samaaj ke liye gambhir samasya paida ki hai aur ikvaador ko ab bhi isse joojhna pad raha hai. Nyaayaalaya ne maahaud ko remand mein lene ke aadesh diye hain, jo filhaal America mein rahate hain aur vahaan haurvard vishvavidyaalaya mein padha rahe hain. 64-varsheeya maahaud ko 1998 mein raashtrapati pad ke liye chuna gaya tha aur sena ke vidroh aur janta ke pradarshan ke ek saptaah baad January, 2000 mein pad se isteefa dena pada tha. Maahaud ne haalaanki, apne oopar lagaae gaye aaropon ko khaarij karte hue ise raajaneeti se prerit karaar diya tha.

Ikvaador Ke Poorv Raashtrapati Ko 12 Saal Kaaraavaas https://www.angrejinews.com/pic/52233