'Ikaunami Ki Rating Sahi Tareeke Se Karein Agencyan

Business »

'Ikaunami Ki Rating Sahi Tareeke Se Karein Agencyan

Joseph barnaad nai Delhi. . Bhaarat ne kredit rating agency Fitch se saaf kaha hai ki pehle vah bhaarateeya arthavyavastha se jude aankade dekhein aur uske baad hi rating kare. Vitt mantraalaya ki taraf se yah bhi kaha gaya ki rating agencyan bhaarateeya arthavyavastha mein beech-beech mein aane vaale jhatakon ko beshak gambheerta se lein, magar yah bhi dekhein ki Bhaarat in jhatakon se kis tarah safalta poorvak ubhara hai. Shukravaar ko Fitch ke pratinidhimandal se baatcheet mein vitt mantraalaya ke pratinidhimandal ne aisa kaha. Arthavyavastha ki tasveer : Sootron ke mutaabik, Fitch se bhaarateeya arthavyavastha ke baare mein teen mahatvapoorn baatein huin. Pehla, chaaloo vitt varsh mein raajakosheeya ghaata sakal ghareloo utpaad (GDP) ke pariprekshya mein 4.8 pratishat rahane ka anumaan hai. Saala 2016-17 tak ise teen pratishat par laane ka lakshya rakha gaya hai. Doosra, Bhaarat ka revenyoo yaani tax kalekshan badh raha hai. Revenyoo yaani raajasv ghaata bhi GDP ke pariprekshya mein 3.3 pratishat par aane ki ummeed hai. Teesara aur khaas baat yah hai ki nivesh, khaaskar videshi nivesh ko aakarshit karne ke liye sarkaar ne vipreet paristhitiyon mein ikaunamik rifaurm ko roka naheen hai. Maltibraind reetel mein videshi nivesh ki anumati di gayi hai. Inshyoreins, defence aur peinshan sector mein videshi nivesh ko bade paimaane par laane par kaam chal raha hai. Jahaan tak ghareloo star par rifaurm ki baat hai to petrol aur diesel ke saath cheeni ko deekantrol kar diya gaya hai. Iske alaava projekton ko tej raftaar se manjoori di ja rahi hai. Kya hai lakshya : Vitt mantraalaya ke ek top adhikaari ka kehna hai ki ham to bas yahi chaahate hain ki rating agencyan kanfyooj hokar rating naheen karein. Agencyon ko yah baat samajhni hogi ki unki rating se share aur bond market ke saath nivesh prabhaavit ho sakta hai. Aise mein unhein kaafi gambheerta ke saath rating karni chaahiye. Gaurtalab hai ki kuchh intaranaishanal rating agencyon ne chetaavani di hai ki agar Bhaarat ne subsidy naheen ghataai aur raajakosheeya ghaate ko kam naheen kiya to ve usaki kredit rating ghata deingi.

'Ikaunami Ki Rating Sahi Tareeke Se Karein Agencyan https://www.angrejinews.com/pic/5385