IPL6 Pehle Match Mein Kekeaar Ne Delhi Daredevils Ko Haraaya

Cricket »

IPL6 Pehle Match Mein Kekeaar Ne Delhi Daredevils Ko Haraaya

Kolkata. . Eden gaarden mein IPL-6 ke pehle match mein champion Kolkata Knightriders ne ek romaanchak mukaabale mein Delhi Daredevils ko 6 wicket se hara diya. Jeet ke liye mile 129 run ke taaraget ko Kolkata ne 18.4 over mein 4 wicket khokar haasil kar liya. Kekeaar ke liye captain Gautam gambhir ne sabse adhik 41 run banaae jabki suneel Narayan ne sabse adhik 4 wicket jhatke. Kekeaar ki shuruaat kharaab rahi aur maanavindar bisla sirf 4 run banaakar Nehra ka shikaar ban gaye. Us samay kekeaar ka score sirf 5 run tha. Lekin iske baad gambhir aur Kallis ne shaanadaar batting karte hue doosare wicket ke liye sirf 5.4 over mein 47 ranon ki saajhedaari ki. Jab kekeaar ka score 52 run tha tab Kallis 23 run banaakar shaahabaaj nadeem ki geind par unmukt ke haathon catch out ho gaye. Dekhein match ka poora skorakaard lekin iske baad bhi gambhir ne shaanadaar batting ka silsila jaari rakha aur manoj tivaari ke saath milkar teesare wicket ke liye 5.5 over mein 41 run ki saajhedaari ki. Kekeaar ka score jab 93 run tha tab botha ne gambhir ko 41 run ke niji score par out karke kekeaar ko teesaka jhatka diya. Manoj tivaari ke roop mein kekeaar ko chautha jhatka laga. Tivaari 23 run banaakar out hue. Unhein nadeem ne out kiya. Morgan 14 aur Yusuf pathaan 18 run banaakar naabaad rahe. Isse pehle kekeaar ke captain Gautam gambhir ne toss jeetkar pehle geindabaaji ka faisala kiya. Delhi Daredevils ki team pehle batting karte hue 20 over mein 128 run banaakar ol out ho gayi. Daredevils ke liye jayavarddhane ne sabse adhik 66 (52 geindon par 8 chaukon aur 1 chhakke) banaae lekin doosare chhor par Delhi ka koi bhi ballebaaj kekeaar ki kasi hui boling ke saamane tik naheen saka. Kekeaar ke liye bret li ne pehli hi geind par wicket lekar is IPL ki shaanadaar shuruaat ki. Li ne unmukt chand ko pehli hi geind par bina khaata khole bold kar diya. Chotil Sehwag ki jagah is match mein opening karne utare unmukt ke liye IPL ki shuruaat niraashaajanak rahi aur vah apna khaata bhi naheen khol paae. Iske baad khelne aae captain mahela jayavarddhane ne David Warner ke saath milkar teji se run batorana shuroo kiya lekin chhathavein over mein jab team ka score 44 run tha to suneel Narayan ne 21 run ke niji score par Warner ko Kallis ke haathon catch out kara diya. Warner ne 19 geindon par 4 chaukon ki madad se 21 run banaae. Iske baad 9vein over mein 59 run ke score par Balaji ne lakshmeeratn shukla ke haathon Manpreet juneja ko catch out kara diya. Juneja ne 9 geindon par 1 chauke ki madad se sirf 8 run banaae. 12vein over ki aakhiri geind par naman ojha rajat Bhatia ki geind par bada shot lagaane ki koshish mein bret li ke haathon catch out ho gaye. Naman 9 geindon par ek chauke ki madad se 9 run hi bana sake. Jab naman out hue to Daredevils ka score chaar wicket 79 run tha. Rajat Bhatia ne hi 88 run ke score par johaan botha ko 7 run ke niji score par LBW out karke Delhi ko paanchavaan jhatka diya. Irfan pathaan 4 run banaakar suneel Narayan ka shikaar bane. Is beech 16vein over mein jayavarddhane ne apni half century poori ki. Jayavarddhane ne 46 geindon par 6 chaukon ki madad se apna pachaasa jamaaya. 133 run ke score par Narayan ne apni hi geind par Andre Russel ka catch lekar Delhi ko saatavaan jhatka diya. Russel sirf 4 run hi bana paae. Daredevils ka aathavaan wicket captain jayavarddhane ke roop mein gira. Unhein 66 run ke score par bret li ki geind par Narayan ne lapka. Antim over mein Narayan ne Nehra ko bina khaata khole out kar diya jabki nadeem bhi bina koi run banaae run out ho gaye. Iske saath hi Delhi ki team 20 overon mein 128 run banaakar ol out ho gayi. Kekeaar ke liye naaraayan ne chaar jabki li aur Bhatia ne 2-2 wicket jhatke.

IPL6 Pehle Match Mein Kekeaar Ne Delhi Daredevils Ko Haraaya https://www.angrejinews.com/pic/4344