IPL Spot Fixing Shreeshaant Ki Arji Khaarij

Breaking »

IPL Spot Fixing Shreeshaant Ki Arji Khaarij

Nai Delhi. . IPL mein spot fixing ke maamale mein giraftaar Rajasthan Royals ke bolar S shreeshaant ki FIR ki kaupi upalabdh karne ki yaachika court ne khaarij kar di, kyonki is par apni baat rakhane ke liye unke vakeel adaalat naheen pahunche the. Metropolitan maijistret gaurav Rao ne kaha, 'Yaachikaakarta (shreeshaant) ke vakeel ki taraf se koi bhi upasthit naheen tha. Yaachika ko khaarij kar diya gaya hai. ' shreeshaant, Rajasthan Royals ke unke do saathiyon aur 11 sattebaajon ko 16 May ko paanch din ki police hiraasat mein bheja gaya tha. Vakeel ne 17 May ko cheef metropolitan maijistret lokesh Kumar sharma ke saamane FIR ki kaupi muhaiya karaane ke sambandh mein arji daakhil ki thi. Cheef metropolitan maijistret ne somvaar ko adaalat naheen lagaai, isliye ise anya metropolitan maijistret ke paas bheja gaya. Unhonne shreeshaant ki yaachika khaarij kar di kyonki unke vakeel us par jirah ke liye naheen pahunche the. Isse pehle cheef metropolitan maijistret ne cricketer aur anya aaropiyon ke vakeelon ko FIR ki kaupi ki jaanch karne ki anumati day di thi.

IPL Spot Fixing Shreeshaant Ki Arji Khaarij https://www.angrejinews.com/pic/9148