IPL Mein Naheen Khelne Se Niraash Hain English Khilaadee Praayar

Cricket » Tuesday, March 26, 2013

London. . England ke wicket-keeper Matt praayar ne kaha hai ki behad lokapriya IPL mein khelne ka mauka naheen milne se England ke khilaadi behad niraash hain. Unhonne England evam vels cricket board (iseebi) ko apne antararaashtreeya calendar ka kaaryakram fir se tay karne ki salaah di hai. England test khelne vaala ekamaatr desh hai jo teen April se 26 May tak chalne vaale chhathe IPL ke dauraan test maichon ka aayojan karega. Isliye iseebi se anubandhit khilaadiyon ko paanch May tak vaapas lautana hoga taaki ve New Zealand ke khilaaf 16 May se laurds mein hone vaale pehle taist match ke taiyaari kar sakein. Praayar ne BBC se kaha, ''IPL aur in twenty-20 pratiyogitaaon ko najaraandaaj naheen kiya ja sakta. Log inhein chaahate hain aur khilaadi inmein khelne ka lutf utha rahe hain. Isliye IPL mein khelne ka mauka naheen milne ke kaaran adhik se adhik khilaadi niraasha se ghir rahe hain. Samay aane par cheejon mein badlaav ho sakta hai. '' unhonne kaha, ''Aap kisi angrej ya Australian se poochhoge ki vah tee20 shatak ya ashes shatak mein se kise banaana pasand karega. Main jaanta hoon ki adhiktar log kya kaheinge. Lekin sachaai yah bhi hai ki khilaadi IPL mein khelna chaahate hain. Aap is sachaai se munh naheen mod sakte hain ki vahaan moti dhanaraashi daanv par lagi hai. '' praayar ne kaha ki main iseebi se juda hoon aur abhi jo iseebi kahega mujhe vaisa karna hoga. Meri praathamikta England ke liye test match khelna hai aur jab bhi test cricket khelne ke liye meri jaroorat padegi main kheloonga. Iseebi ne England ke anubandhit khilaadiyon ko IPL ke aadhe satr mein hi khelne ki anumati di hai. Is vajah se IPL freinchaaiji ne unamein adhik dilchaspi naheen dikhaai. Pichhli do neelaami mein praayar par kisi freinchaaiji ne boli naheen lagaai. Teen February ko hui neelaami mein praayar kisi bhi freinchaaiji ko aakarshit naheen kar paae. Unka aadhaar moolya do lakh dollar tha. Is tarah se England ke anubandhit khilaadiyon mein se keval kevin Peterson aur iyaun morgan hi IPL 2013 mein kheleinge