IPL Mein Naheen Kheleinge Michael Clark

Cricket »

IPL Mein Naheen Kheleinge Michael Clark

Melbourne. . Australia ke captain Michael Clark agale hafte se shuroo hone vaale Indian Premier league (IPL) 6 mein naheen khel paaenge. Clark ko peeth dard se ubarane ke liye kam se kam saat hafte tak rihaibiliteshan kaaryakram se gujarane ki salaah di gayi hai. Pune Warriors ne Clark ko is saal ke shuroo mein hui neelaami mein chaar lakh dollar mein khareeda tha. Australia team ke bhaarateeya daure mein test series mein 0-4 ki sharmanaak haar jhelne ke baad svadesh lautane par unka peeth dard aur maansapeshiyon mein khinchaav ki sthiti ka aakalan karne ke liye scan kiya gaya. Cricket Australia (CA) ke mukhya chikitsa adhikaari Justin paaoloni ne haalaanki kaha ki Clark ko peeth dard se pehle bhi pareshaan hona pada hai aur scan se pushti hui hai ki peeth ke nichle hisse ki chot badh gayi hai. Clark peeth dard ke kaaran Bhaarat ke khilaaf nai Delhi mein chauthe aur antim test match mein naheen khel paae the. Paaoloni kaha, 'Unhein ab bhi dard ho raha hai aur unki peeth abhi poori tarah se theek naheen hai. Unke paanvon ki maansapeshiyon mein bhi khinchaav aa gaya hai, jo poori gamiryon mein hamaare liye chinta ka vishay rahi aur ab vah badh gayi hai. Michael ko apni peeth aur paanv ki maansapeshiyon ke dard se ubarane ke liye rihaibiliteshan se gujar rahe hain aur ismein saat se das saptaah ka samay lagega. ' Clark ki chot aur unke rihaibiliteshan kaaryakram ka matlab hai ki vah 3 April se 26 May tak chalne vaale IPL-6 mein bhaag naheen le paaenge. Isse in kayaason par bhi viraam lag gaya ki unhein Pune Warriors ki kaptaani karne ke liye 20 lakh dollar ki peshakash ki gayi thi. Yuvraj Singh ke kaptaani ke prati anichha jataane ke baad Clark ko kaptaani sambhaalne ki peshakash ki gayi thi. Clark ko February mein hui neelaami mein Pune Warriors ne unke aadhaar moolya chaar lakh dollar mein khareeda tha. Iska matlab hai ki unhein is twenty-20 league mein khelne ke liye paanch guna adhik dhanaraashi ki peshakash ki ja rahi hai. Cricket Australia (CA) ne haalaanki kaha ki Clark England mein July-August mein hone waali aishej test series tak fit ho jaaenge

IPL Mein Naheen Kheleinge Michael Clark https://www.angrejinews.com/pic/3171