IPL Mein Mera Lagaataar 5 Fifteej Ka Rekaurd Tootega Sehwag

Cricket »

IPL Mein Mera Lagaataar 5 Fifteej Ka Rekaurd Tootega Sehwag

Nai Delhi. . Virendra Sehwag ne pichhle satr ke baad Delhi Daredevils ki kaptaani chhod di thi lekin is aakraamak salaami ballebaaj ka maanana hai ki unke is faisale ka unke ravaiye par koi asar naheen padega. Sehwag IPL ke chhathe season mein ek baar fir team ki ummeedon ka bhaar apne kandhe par uthaane ko taiyaar hain. Sehwag ne shanivaar ko diye interview mein kaha, 'Mujhe naheen lagta ki isse koi fark padta hai ki main team ki kaptaani kar raha hoon ya naheen. Kaptaani ne kabhi mere khel ko prabhaavit naheen kiya. Team ki kaptaani karte hue mainne kabhi apni ballebaaji par dabaav mahasoos naheen kiya. ' yah poochhane par ki kya Sri Lanka ke mahela jayavardhane ke team ki kamaan sambhaalne se unke oopar se bhaar kam hoga, Sehwag ne kaha, 'Kaptaan ke roop mein mainne kabhi preshar mahasoos naheen kiya, ballebaaji ke prati mera ravaiya hamesha samaan rahata hai. ' Sehwag ke liye kaptaani aur pradarshan do alag-alag cheejein hain jinka mishran naheen karna chaahiye. Daaen haath ke is ballebaaj ne kaha, 'Mainne hamesha kaha hai ki kaptaani aur pradarshan do alag alag cheejein hain. Agar aap kaptaani ke dabaav ki baat karte ho to mainne IPL ke pichhle season mein lagaataar paanch ardhashatak aur Delhi Daredevils ki or se sarvaadhik run banaae the. ' pichhle satr mein 495 run banaane vaale Sehwag ki lagaataar paanch fifteej ka rekaurd IPL ke pichhle season mein bana tha. Lekin is ballebaaj ko lagta hai ki is saal yah rekaurd toot sakta hai. Sehwag ne NDTV ke 'Maarks for sports' abhiyaan mein bachchon se baatcheet ke baad kaha, 'Koi khilaadi is saal is rikaard ko tod sakta hai. ' Sehwag ne sveekaar kiya ki ghutne ki chot ke kaaran tournament se baahar hue England ke ballebaaj kevin Peterson ki kami khalegi kyonki pichhle season mein team ko antim chaar mein pahunchaane mein unki bhoomika bhi aham thi. Unhonne kaha, 'Kepi bade maukon par run banaane vaale khilaadi hai aur nishchit taur par unki kami khalegi lekin hamaare paas anya khilaadi bhi hain jo jimmedaari uthaate hue yogadaan day sakte hain. Hamaare paas 10 achhe videshi khilaadi hain aur jo bhi antim ekaadash mein usaki jagah lega use bade manch par naam kamaane ka mauka milega. Agar vah mauke ka faayda uthaate hue apni ahamiyt saabit karte hain jo ham trophy jeet sakte hain. ' pehle match se pehle ki taiyaari ke baare mein poochhane par is 34 varsheeya salaami ballebaaj ne kaha, 'Main kaafi achha mahasoos kar raha hoon aur shat-pratishat fit hoon. ' aagaami tournament Sehwag ke liye kaafi mahatvapoorn hai kyonki vah bhaarateeya team mein vaapasi karne ki koshishon mein jute hain. Bhaarat ki or se 104 test aur 251 ekadivseeya match khelne vaale Sehwag ne ka maanana hai ki tournament se pehle kisi team ko prabal daavedaar bataana anuchit hoga. Unhonne kaha, 'IPL ke itihaas ko dekho aur aapko pata chalega ki koi bhi team tournament jeet sakti hai. Kisi ek team ko chunana mushkil hai. Pratyek team mein baraabari ki chunauti dene ki kshamata hai aur yah is par nirbhar karta hai ki kisi din koi team kaisa pradarshan karti hai. '

IPL Mein Mera Lagaataar 5 Fifteej Ka Rekaurd Tootega Sehwag https://www.angrejinews.com/pic/3881