IPL Mein Khelna,Sri Lanka Par Aaropon Ka Samarthan : Ranatunga

Cricket »

IPL Mein Khelna,Sri Lanka Par Aaropon Ka Samarthan : Ranatunga

agencyan . Colombo poorv captain arjun ranatunga ne Sri Lanka cricket board aur sarkaar ki shreelankaai cricketeron ko IPL mein khelne ki ijaajat dene ke faisale ki aalochna ki. Ranatunga ne ise Sri Lanka ke khilaaf lagaae ja rahe maanav adhikaar hanan ke aaropon ka samarthan karaar diya. Ranatunga ne kaha, 'Is baat ko najaraandaaj kar diya gaya ki jayalalita aur Karunanidhi, donon shreelankaai cricketeron ko Tamil Nadu mein khelne se isliye rokana chaahate hain kyonki ve Sri Lanka par maanav adhikaaron ke hanan ka aarop laga rahe hain. Isliye Tamil Nadu ko chhodkar anya (bhaarateeya ) raajyon mein khelne ka matlab hamaare desh ke khilaaf lagaae gaye maanav adhikaar hanan ke aaropon ka samarthan hai. ' unhonne 'Times naau' se kaha, 'Dakshin bhaarateeya raajaneetijnya yuddh aparaadhon ka bahaana bana rahe hain. Cricketeron ko is par vichaar karke desh ke baare mein sochana chaahiye aur poori Indian Premier league (IPL) se hat jaana chaahiye. Hamaare cricketeron ko bhi is baat se vaakif hona hoga ki duniya kahegi ki shreelankaai khilaadiyon ne anajaane mein maanav adhikaar hanan ke aaropon ka samarthan kiya. ' ranatunga ne Tamil Nadu ke donon netaaon par khelon ke saath raajaneeti karne ka aarop lagaaya. Unhonne kaha ki ve Tamil Nadu mane chunaavon ke samay ko chhodkar kabhi uttar aur poorv (Sri Lanka) ke tamilon ke kalyaan ke liye chintit naheen rahe. Unhonne is masale par IPL aayojakon ke ravaiye ki bhi aalochna ki. Ranatunga ne kaha, 'Ve shreelankaai khilaadiyon ke bina dakshin Bhaarat mein khelna chaah rahe hain. Yah shreelankaai khilaadiyon ki pehchaan mitaane jaisa hai. ' ranatunga ne yah tippani sarkaar dvaara 13 khilaadiyon ko chennai mein hone vaale maichon se door rahane ki shart par IPL mein khelne ki ijaajat dene ke baad I hai. Isse pehle ranatunga ne shreelankaai cricketeron ko chennai mein hone vaale maichon se door rakhane ke IPL ki gavarning kaaunsil ke faisale ki kadi aalochna karte hue apne desh ke cricketeron ko 3 April se shuroo hone waali is ti-20 league se hatne ke liye kaha tha. Jahaan tak cricketeron ka savaal hai to main samajhta hoon ki yadi ve dakshin Bhaarat (chennai) mein naheen khel sakte hai to unhein doosare hisson mein bhi naheen khelna chaahiye. Meri niji rai hai ki yadi khilaadiyon ka Bhaarat ke ek hisse mein svaagat naheen hota hai to unhein IPL ka hissa naheen banana chaahiye. '

IPL Mein Khelna,Sri Lanka Par Aaropon Ka Samarthan : Ranatunga https://www.angrejinews.com/pic/3724