IPL Mein Delhi Daredevils Ki Lagaataar Chauthi Haar

Cricket »

IPL Mein Delhi Daredevils Ki Lagaataar Chauthi Haar

Nai Delhi. . IPL-6 mein Delhi Daredevils ki haar ka silsila jaari hai. Shukravaar ko match mein Virendra Sehwag ke utarane ke baavajood Delhi ko lagaataar chauthi haar ka saamana karna pada. Use sunrisers Hyderabad ne 3 wicket se haraaya diya. Sunrisers Hyderabad ne Delhi ko pehle 114 run par roka, lekin is chhote se score ka peechha karte hue vah bhi ladkhada gaya. Aakhiri overon mein usane badi galati naheen ki aur 3 wicket se match jeet liya. Hyderabad ki taraf se akshat Reddy ne 1, paarthiv Patel ne 19, Kumar sangakaara ne 28, hanuma vihaari ne 17 run banaae. Cameron vaait 4 aur tisaara parera 2 run hi bana paae. Aasheesh Reddy ne aakhiri overon mein 9 baul mein 16 run thoke. Amit mishra ne 14 baul mein 16 run aur sten ne 5 baul mein 9 run banaae. Donon not-out laute. Is match ka poora skorakaard yahaan dekhein isse pehle Dale sten ki aguaai mein geindabaajon ke shaanadaar pradarshan ki badaulat sunrisers Hyderabad ne Delhi Daredevils ko aath wicket par 114 run ke score par roka. Sten ne chaar over mein 11, tisaara parera ne 31, jabki Ishaant sharma ne 35 run dekar 2-2 wicket chatakaae. Amit mishra aur aanand raajan ne bhi kifaayati boling karte hue 15 aur 20 run dekar 1-1 wicket haasil kiya. Delhi ke ballebaaj achhi shuruaat ko badi paari mein badalne mein naakaam rahe. Team ki or se sabse badi saajhedaari dheeraj jaadhav (not-out 30) aur Irfan pathaan (23) ke beech chhathe wicket ke liye 30 run ki rahi. Jaadhav Delhi ki or se top scorer rahe. Unhonne apni paari mein 20 geind ka saamana karte hue do chhakke aur ek chauka maara. IPL-6 : Pauints table mein kaun si team kahaan par Dale sten ne Hyderabad ki team ko shaanadaar shuruaat dilaai, jab unhonne match ki chauthi geind par hi pichhle do maichon mein half century jadne vaale David Warner (0) midon par raajan ke haathon catch kara diya. IPL chhah ke chaar maichon mein yah teesara mauka hai jab Delhi ka koi salaami ballebaaj khaata khole bina pavilion lauta. Unmukt chand isse pehle do baar shoonya par out hue. Delhi ke captain mahela jayavardhane pehli hi geind par bhaagyashaali rahe jab sten ki out-swinger ne unke balle ka kinaara liya, lekin wicket-keeper paarthiv Patel catch ko thaam naheen paae. Sten ka pehla over maiden raha. Dekhein: IPL mein kab kaun sa match jayavardhane (12) ne Ishaant par chhakke ke saath khaata khola, lekin isi tej geindabaaj ke agale over mein geind ko hava mein lahara gaye aur mid on par sten ne aasaan catch lapka. Pehle teen maichon ke haar ke baad Delhi ki team ko IPL chhah mein apna pehla match khel rahe Virendra Sehwag (12) se kaafi ummeed thi, lekin Ishaant ne agali geind par unhein pehli slip mein Cameron vaait ke haathon catch karaakar Delhi ka score teen wicket par 26 run kar diya. Yohaan botha ne Ishaant ko hait-trik se roka. Delhi ki team power play ke chhah over mein 29 run hi jod saki. Botha aur Manpreet juneja (15) ne kuchh der wicketon ke patajhad ko roka, lekin is dauraan dheemi ballebaaji ki. Botha par run rate badhaane ka dabaav saaf dikh raha tha aur isi dabaav mein vah point par akshat Reddy ko catch day baithe. Unhonne nau run banaae. Daredevils ne 10.5 over mein 50 run poore kiye jo IPL mein Delhi ki team ka sabse dheema ardhashatak hai. Mishra ne juneja ko point par vaait ke haathon catch karaake Delhi ko paanchavaan jhatka diya. Pathaan aur jaadhav ne iske baad paari ko sambhaala. Jaadhav ne 17vein over me Ishaant ko nishaana banaate hue unki no baul par chauka aur fir free hit par chhakke sahit 17 run jutaae jisse yah paari ka sabse mahanga over raha. Pathaan haalaanki tisaara parera ki geind ko uthaakar maarane ki koshish mein baaundri par hanuma vihaari ke haathon lapke gaye. Unhonne 30 geind ki apni paari mein ek chauka maara. Parera ne isi over mein maurkel (00)ko bhi pavilion bheja, jabki sten ne shaahabaaj nadeem (00) ki paari ka ant kiya. Delhi ne 18.5 over mein ranon ka shatak poora kiya.

IPL Mein Delhi Daredevils Ki Lagaataar Chauthi Haar https://www.angrejinews.com/pic/5377